1478958692 banner ad format

accedentnews kanipath

तानसेनः पाल्पामा जीप दुर्घटना हुँदा एक जनाको मृत्यु भएको छ भने अन्य १४ जना घाइते भएका छन् ।

मंगलबार साँझ बुटवलबाट पाल्पाको सर्देवा जाँदै गरेको लु अ अ ब ४१९४ नम्बरको बोलेरो जीप रिब्दीकोट गाउँपालिका-३ खस्यौलीमा दुर्घटना भएको हो।

मृत्यु हुनेमा रैनादेवी छहरा गाउँपालिका–५ सिद्देश्वरकी ७० वर्षीया हिमादेवी बुढाथोकी रहेको जिल्ला प्रहरी कार्यालय पाल्पाले जनाएको छ ।उनको उपचारको क्रममा युनाइटेड मिसन अस्पतालमा मृत्यु भएको हो।

त्यस्तै घाइतेहरुमा पर्सा पर्सागढी नगरपालिका वडा नं २ बस्ने २६ वर्षीय नारायण बहादुर बस्नेत, पाल्पा रैनादेवी छहरा गाउँपालिका वडा नं ४ बस्ने २८ वर्षीय जुना थापा मगर तथा सोहि स्थानकै २२ वर्षीय खड्क बहादुर रेश्मी (चालक), ६४ वर्षीय टिका बहादुर थापा, ५४ वर्षीय मनकुमारी थापा, ४ वर्षीय बर्षा कुमारी पुन, २९ वर्षीय कमला सिहं मगर, २६ वर्षीय मिना पुन, ४ वर्षीय रक्षा पुन, ३५ वर्षीय थमन सिहं मगर, २४ वर्षीय नेत्र बहादुर दर्लामी, २८ वर्षीय योग नारायण पुन, २ वर्षीय रन्जित पुन र १९ वर्षीय राजन दर्लामी रहेका छन् । घाइते सबैको अहिले तानसेनस्थित युनाइटेड मिसन अस्पतालमा उपचार भइरहेको छ।

सडक छेउमा रहेको पुरूवा माटो भासिदा जीप सडकभन्दा करिब ३० मिटर तल खसेको छ।

 

प्रकासित मिति

Loading...