1478958692 banner ad format

 
 

फलेवास (पर्वत) । दुईसय ६ देशका झन्डै १५ किलोग्राम सिक्का टाँसेको कपडा र टोपी लगाएर विश्व भ्रमणमा निस्किएका ‘सिक्काबाबा’ पर्वत आइपुगेका छन् । 

sikka baba min

विगत छ वर्षदेखि विश्वशान्तिका लागि पैदलयात्रा सुरु गर्नुभएका कास्की हेम्जाका ४३ वर्षका रामबहादुर परियार ‘सिक्का बाबा’ बुधबार पर्वत आइपुगेका हुन् । २०६९ मङ्सिर २१ गतेदेखि भ्रमण थाल्नुभएका परियारले नेपालका ७५ जिल्लाको दुईपटक भ्रमण पूरा गरे । 

बुधबार पर्वत सदरमुकाम कुश्माबजारमा आइपुग्नुभएका परियारले १७ वर्षभित्र विश्वभ्रमण गरिसक्ने योजनासाथ आफू यात्रामा निस्किएको बताए । सिक्का बाबाले शान्ति, स्थिरता र संविधानको पूर्ण कार्यान्वयनसँगै तोकिएकै मितिमा तीनवटै तहको चुनाव सम्पन्न गर्न र यातायात सेवाको विकासका लागि दबाबको सन्देश दिन विश्व भ्रमण सुरु गरेको बताए । 

उनको जिउमा लगाएका लुगा र टोपीमा २०६ देशका सिक्का टाँसिएका छन् । सिक्का टाँसेको कपडा लगाएको सपना पटकपटक देखेपछि विश्वभ्रमण गर्ने योजना आएको उनले सुनाए। 

परियारले अगाडि र पछाडि दुवैतिरबाट लगाउन मिल्ने १९ वटा कपडाको टुक्राबाट बनाएको कमिज तथा पेन्ट लगाउएका छन । नेपाल आएका पर्यटकसँग मागेर विदेशी सिक्का जम्मा गरेका परियारले नेपाली सिक्का भने आफैँले किनेका हुन् । 

सुरुमा ट्रेकिङ तथा नेपाल प्रहरीमा तीन वर्षसम्म जुत्ता सिलाउने पेसा गरेका र सो पेसा छाडेर शान्ति भ्रमणमा निस्किएका परियारले नेपाललाई विश्वभर चिनाउने बताए। 

अविवाहित सिक्का बाबाले सरकारी तथा गैरसरकारी कार्यालय, व्यवसायी तथा व्यक्तिको आर्थिक सहयोगमा भ्रमण खर्च जुटाएका छन । उनले सरकारले नेपालबाहेक अन्य मुलुकमा जानका लागि आफूलाई रोक लगाएका कारण विश्व भ्रमणमा निस्किन नपाएको बताए । “मैले नेपालको दुईपटक भ्रमण गरिसकँे, सरकारले फुकुवा गर्ने बित्तिकै सुरुमा भारत भ्रमणमा जान्छु, उनले भने ।”  

परियारले आफूलाई प्रत्येक जिल्लामा जाँदा सुरक्षा र खान बस्नको व्यवस्था प्रहरी प्रशासनले मिलाउँदै आएको पनि बताए । मुलुक राजनीतिक अस्थिरताका कारण पछाडि पर्दै गएको बताउँदै दिगो शान्ति र राजनीतिक स्थायित्व दिनका लागि शीर्ष दलहरु गम्भीर हुनुपर्ने बताए। उनले पर्वत, बागलुङ, म्याग्दी र मुस्ताङको यात्रा सुरु गरेको र लगत्तै डोल्पा र जुम्ला जाने तयारी रहेको समेत जानकारी दिए । 

उनले आफ्नो शरिरमा टाँसिएका मुद्राको रुपैयाँमा हिसाब नगरिदिन पनि आग्रह गरे । आफूलाई सुरक्षा चुनौती बढ्ने भएकाले रुपैयाँमा मुल्यांकन नगरिदिन समेत उनले आग्रह गरे । 

प्रकासित मिति

Loading...

 

  • kantipathnews kusum writer lekh karki

    लेख कार्कीले ल्याए कुसुम

    लेख कार्कीले ल्याए दोश्रो गीत कुसुम । लेखक लेख कार्कीको अर्को " एउटै कालोपाटीमा कखगघ पढेको बिर्सियौकी कुसुम" बोलको गीत ब ...

  • Kantipathnews Celebrity Profiles kalakar

    यी कलाकार हाल्दैनन् भोट !

    देशको ४५ जिल्लामा भोलि प्रतिनिधि सभा र प्रदेश सभाको दोस्रो चरणको निर्वाचन हँुदैछ । देशमा पहिलो पटक हुन लागेको यो ऐतिहासिक निर्वाचन ...

  • Kantipathnews New Nepali Lok Dohori Song Dhaulagiri himal ko chhaya By Basanta Thapa & Bishnu Majhi

    पन्तको ‘धौलागिरि हिमालको छाया कहाँ होला ?’

    डाँडै फुर्के सल्लो, मायालुको शहरमा, पिरतीको खाममा, मेरो गाउँमा घर छ, शुभविवाह लेखेको मिनीबस लगायतका गीतबाट निकै ख्याति कमाएका तथा ...

yummyfood