1478958692 banner ad format

 
 

चितवन । दुई सातादेखि बजारमा युरिया मलको अभाव छ, अनुदानमा प्राप्त हुने मलको अभावमा किसान प्रभावित भएका छन् । धानका लागि अत्यावश्यक युरिया मल दुई सातादेखि नपाउँदा किसान मारमा परेका हुन् ।

अनुदानित मल अभाव भएपछि किसान निजीस्तरबाट आएको मल चर्काे मूल्य तिरेर खरीद गर्न बाध्य छन् । चितवनमा भदौ महिनामा एक हजार ५०० मेट्रिक टन मल खपत हुने कृषि सामग्री कम्पनी लिमिटेड चितवनका प्रमुख रवीन्द्र गौतम बताउनुहुन्छ ।

तर साउनदेखि नै अनुदानित मल अभाव हुँदा किसानले दोब्बर पैसा तिरेर एमोनियम सल्फेट(चिनी मल) खरीद गर्न बाध्य भएको गौतम बताउनुहुन्छ ।

जिल्लामा साल्ट ट्रेडिङ कर्पाेरेशन लिमिटेड र कृषि सामग्री कम्पनीले मलको आपूर्ति गर्छ । तर दुवै स्थानमा मल सकिएको बताईए पछि किसान समस्यामा छन् । जसका कारण मलको कालोबजारी बढेको छ ।

अनुदानित युरिया मलको मूल्य प्रतिबोरा रु ७६५ छ र तर गैर अनुदानित चिनीमल एक हजार ३०० माथि छ । मल अभाव भएपछि किसानलाई सहजताका लागि प्रतिबोरा रु २५ घटाएर एक हजार ३३५ मा एमोनियम सल्फेट बिक्री गरिरहेको साल्ट ट्रेडिङ कर्पाेरेशन लिमिटेड चितवनका प्रमुख वुद्धिविनोद दाहाल बताउनुहुन्छ ।

चितवनमा साउन १५ सम्म मात्रै मल बिक्री भएको र त्यसपछि नआएको दाहाल बताउनुहुन्छ । विगतको स्टक मल सकिएको र नयाँ मल ल्याउने प्रक्रिया चलिरहेकाले यहाँ मल आउन अझै समय लाग्ने उहाँले बताउनुभयो ।

यद्यपि कृषि सामग्री कम्पनी लिमिटेड चितवनका अनुसार मल खरीद प्रक्रिया भएर भारतबाट पठाइ सकिएको र भन्सार आउन बाँकी रहेकाले ३,४ दिनमा मल आपूर्ति हुने बताईएको छ ।

प्रकासित मिति

Loading...

 

yummyfood