annapurna add

काठमाडौं । राजधानीबाट विहीवार प्रकाशित पत्र-पत्रिकाले आज विभिन्न शिर्षकमा प्रमुख समाचार छापेका छन् । यसका साथै पत्रपत्रिकाले विभिन्न फरक – फरक विषयका समाचारलाई पनि प्राथमिकता दिएर प्रकाशन गरेका छन् ।

kantipath patrapatrika ma aajaकान्तिपुर - नेपालमा पछिल्ला पाँच वर्षमा सबैभन्दा बढी सैन्य सहयोग उत्तरी छिमेक चीनबाट भित्रिएको छ । नेपाली सेनालाई सहयोग गर्ने अन्य मुख्य मुलुक अमेरिका र भारतभन्दा चीनको सहयोग बढेको सैनिक मुख्यालय जङ्गीअड्डा स्रोतबाट प्राप्त तथ्याङ्कमा देखिएको छ । यो अवधिमा चीनबाट करिब १२ अर्बको सहयोग आउँदा अमेरिकाबाट करिब ५ अर्ब हराहारी सहयोग भित्रिएको छ । नेपालले सैन्य सहयोगका रुपमा विभिन्न मुलुकबाट हवाई जहाज, सञ्चारका साधन, बम निष्क्रिय गर्ने साधन, हेभी र लाइट सवारीसाधन, ढुङ्गा, हतियार, विस्फोटक पदार्थ, संयुक्त राष्ट्रसंघ अन्तरगत शान्ति स्थापनार्थ चाहिने आर्मोरेट पर्सनल क्यारियर (एपीसी) लगायतका सामान लिन्छ ।

चीन, भारत र अमेरिकाले नेपालमा चासो बढाइरहँदा युरोपेली मुलुक विशेषगरी बेलायतले भने नेपाली सेनालाई पछिल्लो समय सहयोग गरेको देखिँदैन । नेपाल भारत शान्ति तथा मैत्री सन्धि १९५० लाई आधार मानेर १९६५ मा भएको रक्षा सम्झौताअनुसार नेपालले भारतबाहेक अन्य मुलुकबाट हतियार वा सैन्य सामग्री ल्याउँदा ऊसँग स्वीकृत लिनुपथ्र्यो । अहिले भारतले नेपाललाई सैन्य सामग्री दिँदा कुल मूल्यको ६० प्रतिशत मात्र अनुदान दिन्छ । बाँकी ४० प्रतिशत नेपालले व्यहोर्नुपर्छ । नेपालले भारतबाट पछिल्ला पाँच वर्षमा सेनालाई नाइटभिजन, हतियार, बारुद र गाडी ल्याएको छ । यसको मूल्य खुलाइएको छैन ।

अन्नपूर्ण - राष्ट्रियसभा निर्वाचनको उम्मेदवारी दर्ताको समय ४ दिन मात्र बाँकी छँदा पनि प्रमुख दलले उम्मेदवार छनोट नगरेको समाचार छ । निर्वाचन आयोगले आगामी आइतबार उम्मेदवार दर्ताको समय तोकेको छ । तर दलले उम्मेदवार छनोटका लागि गृहकार्य समेत गरेका छैनन् । राष्ट्रिय सभामा रिक्त १८ सदस्यका लागि माघ ९ गते निर्वाचन हुँदैछ । एक सिट भने सरकारको सिफारिसमा राष्ट्रपतिबाट मनोनित हुनेछ । आयोगले सबै प्रक्रिया पूरा गरी उम्मेदवार दर्ताको पर्खाइ गरिरहे पनि दलहरु भने अझै तातेका छैनन् । अधिकांश स्थानमा चुनाव जित्ने निश्चित देखिएको सत्तासीन नेकपाले प्रदेश २ मा राजपासँग चुनावी तालमेल गरेको छ । प्रदेश २ बाट नेकपा र राजपाले २–२ सिटमा तालमेल गरेका छन् । यी दुई दल मिल्दा चुनाव जित्ने निश्चित छ ।

नयाँ पत्रिका - पूर्वराजा ज्ञानेन्द्र शाहको दमकस्थित चिया बगानले वर्षौँदेखि कर नतिरेको  छ । दमक नगरपालिका– ४ र ९ को पाँच सय ७५ बिघा १७ कट्ठा १४ धुरमा रहेको हिमालय–महालक्ष्मी टी गार्डेनको पाँच करोड ३० लाख कर बक्यौता छ । गणतन्त्र स्थापनापछि स्थानीय स्वायत्त शासन ऐनको अधीनमा रही यो बगानलाई पनि एकीकृत सम्पत्ति कर लागू भएको थियो । तर, बगानले हालसम्म कर नतिरेको दमक नगरपालिकाको राजस्व शाखाले जानाएको छ । चिया बगानको व्यवस्थापन हाल सोल्टी ग्रुपले गर्दै आएको छ । हिमालय–महालक्ष्मी टी गार्डेन प्रालिले सञ्चालन गरेको चिया बगानभित्र काठका धेरै संरचना छन् । जहाँ पूर्वराजपरिवारले प्रयोग गर्ने गरेको ‘मिनी दरबार’ पनि छ । यो दरबारमा पूर्वराजा ज्ञानेन्द्र प्रत्येक वर्ष आउने गर्छन् । गत बुधबार पनि उनी बगानमा आएका थिए । हिमालय–महालक्ष्मी टी गर्डेनलाई दमक नगरपालिकाले कर तिर्न पटक–पटक ताकेता गरेको छ, तर उठाउन सकेको छैन । ‘हामीले पटक–पटक ताकेता गरेका छौँ । धेरैपटक पत्र काटेका छौँ,’ मेयर रोमनाथ ओली भन्छन्, ‘यहाँ ९गार्डेनमा० भएका कर्मचारीसँग कुरा गर्दा ठूलो रकम छ, हामीले सक्दैनौँ, माथि भन्नुपर्छ भन्छन् । नगरपालिकाले पूर्वराजालाई चिन्दैन । यो त कम्पनीको नाममा छ । हामी कम्पनीलाई मात्रै चिन्छौँ ।’

कान्तिपुर - ‘बलात्कार र बेचबिखन मुद्दामा धरौटी’ मात्रै शीर्षकमा मुख्य समाचार छ । पत्रिकाले सिद्दबाबाको अनुसन्धान र आदेश नै शंकाको घेरामा परेको र युवतीलाई भारतमा लगेर बेच्ने दुई युवक एक/एक लाख धरौटीमा छुटेको विषयबारे विश्लेषणात्मक समाचार बनाएको छ ।

समाचारमा लेखिएअनुसार जिल्ला अदालत सुनसरीले बलात्कार मुद्दामा हनुमान मन्दिर आश्रमका सिद्दबाबा भनिने कृष्णबहादुर गिरीलाई कानुनी धरातलबेगर धरौटीमा छाडिएको भेटिएको हो । त्यस्तै नेपालगन्जकी एक महिलालाई दिल्लीमा लगेर बेच्ने दुई युवकलाई एक/एक लाख धरौटीमा छाडिएको पनि समाचारमा उल्लेख छ ।

नेपाल भ्रमण वर्ष २०२० भव्य उद्घाटन भएको विषयलाई शीर्ष समाचार बनाएको नागरिक दैनिकले नेपालले दशरथ रंगशालाबाट विश्वलाई नेपाल घुम्न निम्तो दिएको समाचारमा उल्लेख गरेको छ । समाचारमा लेखिएअनुसार चर्चित नायक राजेश हमालले भव्यरुपमा सिंगारिएको दशरथ रंगशालाको मञ्चबाट अंग्रेजीमा ‘वर्ल्ड, आर यु रेडी फर नेपाल’ भन्दै अंग्रेजीमा प्रश्न गर्नुभएको हो । देशका सातै प्रदेश र संघीय राजधानी काठमाडौंबाट एकसाथ थालनी गरिएको नेपाल भ्रमण वर्षको उद्घाटन समारोहले सम्पूर्ण नेपालीको साझा अभियान भएको छनक दिइएको समाचारमा लेखिएको छ ।

यसैगरी कांग्रेस सभापति आन्तरिक विवादका कारण वाक्क हुनुभएको र पाँच महिनामै ७७ अर्बको आयात शीर्षकका समाचार पनि पत्रिकाले प्रथम पृष्ठमै छापेको छ ।

राजधानी -  भ्रमण वर्ष शुरु भएसँगै २० लाख पर्यटक भित्र्याउने महत्वाकांक्षी लक्ष्यका साथ घोषणा गरिएको ‘भिजिट नेपाल २०२०’ बारे प्रमुख समाचार बनाएको छ । बुधबार राष्ट्रपति विद्यादेवि भण्डारीले दशरथ रंगशालामा उद्घाटन गर्नुभएको पर्यटन वर्ष नेपालले दोश्रो पटक आयोजना गरेको हो । यसअघि सन् १९९८ मा पर्यटन भित्र्याउने लक्ष्यका साथ पहिलोपटक भ्रमण वर्ष आयोजना गरिएको थियो । त्यस्तै सन् २०११ मा दोश्रोपटक १० लाख पर्यटक भित्र्याउने लक्ष्यका साथ पर्यटन वर्षकाे आयोजना भएको थियो । सरकारले लक्ष्य राखेअनुसार ती वर्षहरुमा लक्षित संख्यामा पर्यटक आएका थिएनन् ।

समाचारमा उल्लेख भएअनुसार सन् २०१९ को तथ्यांकलाई केलाउने हो भने यो पटक २० लाख पर्यटक भित्र्याउनका लागि अझै मेहनत गर्नेपर्ने देखिन्छ । अहिले पनि वार्षिक रुपमा १२ लाख पर्यटक भने आइरहेका छन् । पत्रिकामा १० वर्षे पर्यटन रणनीतिमा सन् २०२० मा २० लाख पर्यटक भित्र्याउनका लागि त्रिभुवन विमानस्थलको स्तरोन्नति गरी गौतमबुद्ध र पोखरा अन्तर्राष्ट्रिय विमानस्थल सञ्चालनमा ल्याउने योजना राखिएको भएपनि त्यसको प्रभावकारीता दखिन नसकेको उल्लेख छ ।

याे पनि पढ्नुहाेस् -  नेपालका लागि चिनियाँ राजदूत होउ यान्छीले नेपाल भ्रमण वर्ष २०२० लाई स्वागत गरेकी छिन। उनले मंगलबार सामाजिक संजाल ट्वीटरमा आफ्ना ४ सुन्दर तस्बिर सेयर गर्दै भ्रमण वर्षको सफलताको शुभकामना दिएकी छिन्।

राजदूत यान्छीले ट्वीटमा लेखेकी छिन, 'प्राकृतिक सौन्दर्यले सदैव भित्री मनलाई छुन्छ। विविधता, इतिहास र प्राकृतिक सौन्दर्यले भरिपूर्ण सुन्दर नेपाल साच्चिकै घुम्‍न लायक छ।'

उनले संस्कृति, पर्यटन तथा नागरिक उड्ययनमन्त्री योगेशकुमार भट्टराईलाई मेन्सन गर्दै आफ्ना चारवटा तस्बिर पोस्ट गरेकी छिन्।

Ambassador Hou Yanqi
@PRCAmbNepal
 
 

True beauty always touches the deep heart. Beautiful Nepal with history, diversity and nature deserves a visit. Wish successful! @yogesbhattarai
२०२० नेपाल भ्रमाण वर्ष सफलताको शुभकामना !

View image on TwitterView image on TwitterView image on TwitterView image on Twitter
 
1,043 people are talking about this
 
Ambassador Hou Yanqi
@PRCAmbNepal
 
 

Happy New Year! On behalf of the Embassy of China in Nepal, I would like to wish Nepali people good health and luck, wish Nepal harmony and prosperity!
नयाँ बर्षको शुभकामना!नेपाली जनतालाई सुस्वास्थ्य र खुशियालीको कामना गर्दछु,नेपालको सद्भाव र समृद्धिको कामना गर्दछु!

View image on TwitterView image on TwitterView image on TwitterView image on Twitter
 
337 people are talking about this
 
 
 

पुरा पढ्नुहाेस्- https://www.kantipath.com

प्रकासित मिति

Loading...
Loading...

 

Loading...