tealaya add

कृषि विकास बैंकले लिलाम बढाबढ प्रक्रिया मार्फत बिक्रीमा राखेको हकप्रद नपरेको पैसा फागुन २७ देखि फिर्ता हुने भएको छ। बैंकले बोलकबोल दाताले दरखास्त फारममा उल्लेख गरेको बैंक खातामा नै पैसा फिर्ता गर्ने तयारी गरेको जनाएको छ। 

bank

बैंकले लिलाममा राखेको १९ लाख ६८ हजार ५७५ कित्ता सेयर बोल कबोलबाट बिक्रि भएको छ। लिलाम बढाबढमा सहभागिता जनाएका ९ हजार २ सय २३ जना आवेदक मध्य २ हजार १ सयले कृषि विकास बैंकको सेयर पाएका छन।  

बैंकको लिलाममा राखिएका सेयरमा न्युनतम ३६१ रुपैयाँ र त्यस भन्दा माथिको मूल्यमा कबोल गर्नेले सेयर पाएका छन। अधिकतम ६०१ रुपैयाँको मूल्यमा आबेदन दिनेले मागेजति सेयर पाएका छन् भने न्युनतम ३६१ रुपैयाँमा आबेदन दिनेले दामासाहीमा सेयर पाएका छन।    

माघ २७ देखि फागुन १२ सम्म लिलाममा राखेको सेयरमा करिब ३ अर्ब रुपैयाँ बराबरको आबेदन परेको थियो। बैंकले गत कात्तिक ३ गतेदेखि मंसिर ७ गतेसम्म ५० प्रतिशत हकप्रद बिक्रि खुला गर्दा सर्वसाधारण समूहको अवितरित हकप्रद सेयर लिलाममा राखेको हो।   

बैंकले गत आर्थिक बर्षको कमाईबाट २० प्रतिशत बोनस सेयर दिने निर्णय गरेको छ । त्यस्तै बैंकले ५० प्रतिशत हकप्रद बिक्रि गरेको हो।  बोनस र हकप्रद वितरणपछि बैंकको चुक्ता पुंजी ७ अर्ब ८ करोड पुग्ने छ।  बैंकले चालु आर्थिक बर्षको दोस्रो त्रैमासमा ९० करोड ६६ लाख ८९ हजार रुपैयाँ मुनाफा आर्जन गरेको थियो ।

प्रकासित मिति

 
 
Loading...
Loading...

 

Loading...

ताजा खबर