1478958692 banner ad format

 
 

काठमाडौँ - सिद्दार्थ बैंकले खुद मुनाफा तर्फ सामान्य प्रगती गरेको बित्तिय विवरण प्रस्तुत गरेको छ। अघिल्लो आर्थिक बर्षको कमाईबाट ४८ प्रतिशत बोनस सेयर वितरण गरेको बैंकले ३० प्रतिशत हकप्रद निष्काशन गरी चुक्ता पुंजी बढाउँदा प्रती सेयर आम्दानी भने झन्डै आधाले घटेको छ।

Siddarth Bank

अघिल्लो आर्थिक बर्ष १ अर्ब २५ करोड मुनाफा आर्जन गरेको बैंकले गत आर्थिक बर्ष १ अर्ब ४५ करोड मुनाफा गरेको छ। यस अवधिमा बैंकको चुक्ता पुंजी ६ अर्ब ६२ करोड र जगेडा कोष रकम ३ अर्ब २८ करोड रुपैयाँ रहेको छ। बैंकले हकप्रद जारी गर्दा संस्थापक सेयरधनीबाट कल इन एडभान्सबाट प्राप्त १ अर्ब ३७ करोड ८० लाख रुपैयाँ मात्र चुक्ता पुंजीमा देखाएको छ। 

बैंकले गत आर्थिक बर्ष ७७ अर्ब ३१ करोड निक्षेप संकलन गरि ६६ अर्ब ६ करोड कर्जा प्रवाह गरेको छ। अघिल्लो आर्थिक बर्ष भन्दा बैंकको निक्षेप र कर्जा करिब २० प्रतिशतले मात्र बढेको छ।  बिजपाटी डटकमले प्रक्षेपण गरेभन्दा बैंकको कमाई १५ करोडले बढी देखिएको छ।

गत आर्थिक बर्ष बैंकको खुद आम्दानी २ अर्ब ६५ करोड रहेको छ भने संचालन मुनाफा १ अर्ब ८५ करोड रहेको छ। यस अवधिमा बैंकको खराब कर्जा अनुपात १ दशमलब ४७ प्रतिशतबाट १ दशमलब १५ प्रतिशतमा झरेको छ। 

यस अवधिमा बैंकको प्रति सेयर आम्दानी २१ रुपैयाँ ३० पैसा रहेको छ। जुन अघिल्लो आर्थिक बर्षको तुलनामा झनै आधा हो। अघिल्लो आर्थिक बर्ष बैंकको इपिएस ४१ रुपैयाँ १९ पैसा थियो। त्यस्तै मूल्य आम्दानी अनुपात २२ दशमलब ६७ गुणा तथा नेटवर्थ प्रति सेयर १४९ रुपैयाँ ३४ पैसा रहेको छ।  

सिद्दार्थ बैंकले नेपाल राष्ट्र बैंकले आफ्नै क्षमताले चुक्ता पुंजी ८ अर्ब पुर्याउने लक्ष्य अनुरुप गत बर्ष ३० प्रतिशत हकप्रद जारी गरेको थियो भने  बिजनेश युनिभर्सललाई प्राप्ती गरेको थियो। बैंकले ३० प्रतिशत हकप्रद जारी पश्चात कायम चुक्ता पुंजीबाट पुन: १० प्रतिशत हकप्रद बिक्री गर्दैछ। १० प्रतिशत हकप्रद बिक्री तथा वितरण पश्चात बैंकको चुक्ता पुंजी करिब ७ अर्ब ५० करोड पुग्नेछ। गत आर्थिक बर्षको कमाई र जगेडा कोष रकमबाट बोनस सेयर वितरण गरी बाँकी अपुग पुंजी सहजै पुर्याउन सक्ने देखिन्छ। 

प्रकासित मिति

Loading...

 

  • Kantipathnews Nepse with double digit

    नेप्से दोहोरो अंकले सुधारियो

    मंगलबार पुनः पूँजी बजारमा दाहोरो अंकको सुधार आयोे । आइतबार उच्च दरले उकालो लागेको बजार सोमबार ऋणात्मक रही यस दिन पुनः सुधारिएक ...

  • Kantipathnews Banpanpa business share

    बनेपामा सेयर कारोबार बढ्दै

    सेयर खरिद तथा बिक्रीका लागि काठमाडौँ धाउने लगानीकर्ता आजकल घर नजिकैबाट सेयर कारोबार गर्न थालेका छन् । बनेपामा विभिन्न सेयर ब्रोक ...

  • Kantipathnews Nepse News shares of stock trading

    एक अर्ब बढीको शेयर कारोबार

    धितोपत्र बजारमा यस साता रु एक अर्ब ७६ करोड ५९ लाख ८५ हजारबराबरको शेयर कारोबार भएको छ । नेपाल स्टक एक्चेन्जका अनुसार ३९ लाख ४३ ह ...

yummyfood