annapurna add

काठमाडौं : 'नेपाल पेट्रोलीयम डिलर राष्ट्रिय एसोसिएशन'ले अति आवश्यकका लागि मात्र पेट्रोलियम पदार्थ प्रदान गर्न आग्रह गरेको छ ।

petrol pumpसरकारको आग्रह अनुसार अत्यावश्यकका लागि मात्र पेटोलियम पदार्थ वितरण गर्न पम्पहरूलाई आग्रह गरिएको एसोसिएशनका अध्यक्ष लीलेन्द्रप्रसाद प्रधानले जानकारी दिए।

प्रधानका अनुसार काठमाडौं उपत्यकाभित्रका पम्प सञ्चालकलाई सोही व्यहोराको सूचना पम्पको बाहिर टाँस्न आग्रह गरिएको छ ।

'पेट्रोलपम्प परिसरको बाहिरपट्टि देखिने गरी सूचना टाँसेर अत्यावश्यक सामान ढुवानी गर्ने सवारी साधन (एम्बुलेन्स वा सरकारबाट इजाजतप्राप्त साधन)लाई इन्धन उपलब्ध गराउन हामीले निर्देशन दिएका छौँ', उनले भने, 'पम्पमा धेरै कर्मचारी नभएको र सम्पर्क नम्बर देखिने गरी सूचना टाँस गर्न हामीले जानकारी गराइसकेका छौँ ।'

अत्यावश्यकका लागि काठमाडौं उपत्यकाका जुनसुकै पम्पमा तेल भर्न सकिने र पम्पमा पर्याप्त मात्रामा मौज्दात तेल राखिएको उल्लेख गरे ।

सुरक्षा निकायका आफ्नै पम्प रहेको तथा निजी क्षेत्रका पम्पबाट नजिक रहेका अस्पताल तथा कूटनीतिक नियोगका कर्मचारी तथा पत्रकारले तेल भर्ने गरेको सूचना आफूहरूलाई आएको उनले बताए ।

प्रकासित मिति

 
 
Loading...
Loading...

 

Loading...