1478958692 banner ad format

 
 

डोटी । निर्माण कम्पनीले तोकिएको समयमा काम नगर्दा दिपायल विमानस्थलको कालोपत्रे गर्ने काम अलपत्र भएको छ ।

समयमा काम नसकिए पछि नेपाल नागरिक उड्डयन प्राधिकरणले काम गर्ने अवधि थप्ने नथप्ने बिषयमा निर्णय नगर्दा निर्माण कार्य थप अवरुद्ध भएको हो ।
कालोपत्रेको निर्माण नसकिँदा र म्याद पनि थप नहुँदा निर्माण कम्पनीले काम अघि नबढाएको नेपाल नागरिक उड्डयन प्राधिकरणका इञ्जिनीयर नलविक्रम थापाले बताउनुभयो । यी विमानस्थलमा रनवे कालोपत्रे लगायतका काम गर्न बाँकी छ । तोकिएको समयमा काम नसकिँदा अधूरै रहेको डोटीको दिपायल विमानस्थलको निर्माणको काम पनि अलपत्र अवस्थामा परेको छ ।

काम सञ्चालन नहुँदा महीनादेखि निर्माणको काम ठप्प रहेको विमानस्थल निर्माणका इञ्जिनीयर बालकृष्ण रेग्मीले बताउनुभयो । काम शुरु गरेपछि मात्रै म्याद थपेर अन्तिम पटकका लागि मौका दिने मनसायमा प्राधिकरण पुगेको रेग्मीले बताउनुभयो ।
यसैगरी, बैतडीको पाटन विमानस्थलको काम पनि लामो समयदेखि अलपत्र छ । अछामको साँफे विमानस्थल गएको जेठमै निर्माण सम्पन्न भई परीक्षण उडान गरिँदा समेत दिपायल तथा पाटन विमानस्थलको काम भने अलपत्र नै छ । विमान स्थलको बाँकी निर्माणको काममा ढिलाइ हुँदा विमानस्थलको भविश्य नै अलपत्र जस्तो परेको हो ।
पाटन विमानस्थलको गत असारमा समय सकिँदा पनि निर्माण कम्पनीलाई म्याद थपिएको छैन भने दिपायल विमानस्थलमा ६ महिनाको म्याद थपिए पनि सो समयमा पनि काम नसकिएपछि म्याद थपको माग भएकोमा म्याद नथपिएको बताइएको छ । डोटीको दिपायल विमानस्थलको काम सेर्पाग्याल्भा कम्पनीले लिएको छ ।

सुदूरपश्चिम प्रदेशको दोस्रो ठूलो डोटीको दिपायल र बैतडीको पाटन विमानस्थल कालोपत्रेको काम निर्धारित समयमा नसकिएपछि अहिले निर्माणको काम अलपत्र छ । गत असारमा सक्ने लक्ष्यसहित निर्माण शुरु गरिएको दिपायल विमानस्थलको कालोपत्रे गर्ने कार्य नसकिएपछि म्याद थपका लागि निवेदन दिइएको छ । डोटीको दिपायल विमानस्थलमा करीब रु पाँच करोड ५० लाख र बैतडीमा झण्डै रु ११ करोडको लागतमा विमानस्थल कालोपत्रेको काम शुरु गरिएको हो ।

प्रकासित मिति

Loading...

 

yummyfood