1478958692 banner ad format

 
 

काँकडभिट्टा (झापा)। झापाको मेचीनगर–१० धुलाबारीमा २७ फिट अग्लो शङ्ख स्तम्भ निर्माण गरिएको छ । 

Jhapa Construction shell column

नन्दा नदी किनारमा रु १३ लाखको लागतमा रामघाट सेवा समितिले पितृहरुको स्मृतिमा सो स्तम्भ निर्माण गरेको हो । 

जमिनको सतहबाट २७ फिट अग्लो स्तम्भको टुप्पामा आठ फिट लम्बाइ र चार फिट उचाइ भएको सेतो शङ्ख राखिएको छ । यस्तो शङ्ख आकृति भएको स्तम्भ नेपालमै पहिलो भएको रामघाट सेवा समितिका अध्यक्ष ललित बोहोराले बताए । 

मुख उत्तरतिर र पुच्छर दक्षिणतिर फर्किएको यो विशाल शङ्ख स्तम्भको निर्माण सिमेन्ट, रड र टायलको प्रयोगबाट भएको छ । 

दिवङ्गत पितृहरुको मोक्ष अर्थात् श्राद्धका लागि निर्माण गरिएको चार फिट वर्गाकार फेद भएको यो स्तम्भमा एक फन्का मार्दा १०८ फिट परिक्रमा गरेसरह पुण्य प्राप्ति हुने अध्यक्ष बोहराको भनाइ छ । 

Jhapa Construction shell column1 min

मेचीनगर नगरपालिकाका इञ्जिनियर भूपेन्द्र तामाङले डिजाइन गरेको यो स्तम्भ भूकम्प प्रतिरोधी रहेको छ । दुई वर्षअघि धुलाबारीस्थित नन्दा नदी छेउमा रु एक करोड २५ लाखको लागतमा दाहसंस्कार गर्ने सुविधासम्पन्न रामघाट स्थापना गरिएको थियो । उक्त सुविधासम्पन्न भवनमा दुई शवदाह गृह, तीन चौतारो, मलामी विश्रामालय, क्रियापुत्री बस्ने चार कोठा, २०० जना अटाउने हल र दुईवटा कार्यालय कोठा रहेका छन् । 

शवदाह गृह र मलामी विश्रामालय बनेपछि ज्यामिरगढी, इँट्टाभट्टा, धुलाबारी, मागुरमाडी लगायत क्षेत्रका बासिन्दालाई मृत्युसंस्कारका लागि सुविधा भएको छ । सो क्षेत्रमा यो शङ्खसहितको पितृ स्तम्भ बनेसँगै पर्यटकको आकर्षण बढ्न थालेको पनि अध्यक्ष बोहाराले बताए ।

प्रकासित मिति

Loading...

 

  • Kantipathnews Banpanpa business share

    बनेपामा सेयर कारोबार बढ्दै

    सेयर खरिद तथा बिक्रीका लागि काठमाडौँ धाउने लगानीकर्ता आजकल घर नजिकैबाट सेयर कारोबार गर्न थालेका छन् । बनेपामा विभिन्न सेयर ब्रोक ...

  • Kantipathnews Nepse News shares of stock trading

    एक अर्ब बढीको शेयर कारोबार

    धितोपत्र बजारमा यस साता रु एक अर्ब ७६ करोड ५९ लाख ८५ हजारबराबरको शेयर कारोबार भएको छ । नेपाल स्टक एक्चेन्जका अनुसार ३९ लाख ४३ ह ...

  • Kantipathnews News Of Nepal Kavreplanchok Share loan

    शेयर कर्जा लिन उत्साहित

    काठमाडौँ बाहिरका जिल्लामा पनि शेयर कर्जा लिन लगानीकर्ता उत्साहित देखिएका छन् । काठमाडौँमा मात्रै केही बैंकले शेयर कर्जा दिने घो ...

yummyfood