1478958692 banner ad format

 
 

खोटाङ। धावनमार्गमाथिबाट बगेको भलले खोटाङको मनमायाँ राई खानीडाँडा विमानस्थल पहिरोको जोखिममा छ । गत जेठ १ गते दिउँसो परेको पानीले ढल थुनिएपछि धावनमार्गमाथिबाट बगेको भलले कटान गर्दा सदरमुकाम दिक्तेलनजिक रहेको विमानस्थल पहिरोको जोखिममा परेको हो । 

Khanidanda Airport landslide risk

धावनमार्गमुनिबाट बनाइएको ढल थुनिएपछि धावनमार्ग हुँदै बगेको बाढीले विमानस्थलको दक्षिणी भाग भत्काएको स्थानीयवासी राजेन्द्र राईले बताउनुभयो । “ढल थुनिएपछि धावनमार्गमाथि बाटै बगेको भलले माटो कटान गरेपछि विमानस्थलको दक्षिणपट्टि पहिरो गएको छ”, उनले भने, “समयमै सम्बन्धित निकायले ध्यान नदिने हो भने, उडान नै अवरुद्ध हुने गरी ठूलो पहिरो जाने खतरा छ ।” 

भलका कारण छेउबाट सुरु भएको पहिरो कालोपत्र गरिएको धावनमागको करिब दुई÷तीन मिटरनजिक पुगिसकेको स्थानीयवासीले बताएका छन् । तत्काल माटो हटाएर भललाई ढलमार्फत निकासा गर्ने व्यवस्था नगरिए विमानस्थल नै पहिरोको जोखिममा पर्ने देखिएको छ । ढल थुनिएपछि अहिले विमानस्थलमुनिबाट निकासा हुनुपर्ने भल सिधै धावनमार्ग हुँदै बाहिर जाने गरेको नेपाल एयर लायन्सका स्टेसन मेनेजर यादवसेन राईले बताए । 

“बाढीले पु¥याएको क्षतिका बारेमा सम्बन्धित निकायमा जानकारी गराइसकेका छौँ”, उनले भने, “तत्काल रोकथाम नगरिए लामो समयसम्म उडान अवरुद्ध हुने सम्भावना छ ।” भल थुनिएर सुरु भएको पहिरो करिब ५० मिटर फराकिलो छ । विमानस्थल निर्माणका क्रममा माथिल्लो भाग कटान गरेर फालिएको माटोमाथि जाली भरिएका कारण पहिरो गएको स्थानीयवासीले बताएका छन् । 

विभिन्न दातृ निकायको आर्थिक सहयोगमा उपभोक्ताले निर्माण गरेको विमानस्थल गुणस्तरहीन रहेको यसअघि नै गुनासो आएको थियो । दुई वर्षअघि मात्र कालोपत्र गरिएको विमानस्थल पहिरोको जोखिममा परेपछि जिल्लावासी चिन्तित छन् । 

प्रकासित मिति

Loading...

 

  • Kantipathnews Nepse News shares of stock trading

    एक अर्ब बढीको शेयर कारोबार

    धितोपत्र बजारमा यस साता रु एक अर्ब ७६ करोड ५९ लाख ८५ हजारबराबरको शेयर कारोबार भएको छ । नेपाल स्टक एक्चेन्जका अनुसार ३९ लाख ४३ ह ...

  • Kantipathnews News Of Nepal Kavreplanchok Share loan

    शेयर कर्जा लिन उत्साहित

    काठमाडौँ बाहिरका जिल्लामा पनि शेयर कर्जा लिन लगानीकर्ता उत्साहित देखिएका छन् । काठमाडौँमा मात्रै केही बैंकले शेयर कर्जा दिने घो ...

  • kantipathnews Nepal Share Market News Market businesses

    धितोपत्र बजार : तीन अर्ब बढीको कारोबार

    धितोपत्र बजारमा यस साता रु तीन अर्ब ६१ करोड ५७ लाख १७ हजार मूल्यबराबरको शेयर कारोबार भएको छ । नेपाल स्टक एक्चेन्जका अनुसार कुल १ ...

yummyfood