tealaya add

रसुवा – माथिल्लो त्रिशूली थ्रि ‘ए’ जलविद्युत् आयोजनाको ६० मेगावाट विद्युत् राष्ट्रिय प्रसारण लाइनमा जोडिएको छ। शुक्रबार बिहान साढे ९ बजेदेखि ६० मेगावट विद्युत् प्रणालीमा जोड्न सफल भएको आयोजना प्रमुख फडिन्द्रराज जोशीले बताए।

Trishuli 3 minफाइल तस्विर 

जटिल समस्यामा फसेको आयोजनालाई सफल बनाउनुपर्छ भन्ने हिम्मतका साथ एकाध मान्छे मात्रै ताते भने पनि जटिलताको चक्रव्यूहमा फसेका आयोजनालाई उर्तान सक्छन् भन्ने तथ्य पुनः स्थापित भएको छ । कहिले क्षमता बढाउने कि नबढाउने भन्ने विवाद ।

कहिले भूकम्प र भारतको नाकाबन्दीको अवरोध । निर्माण व्यवसायीका अनावश्यक शर्त । पटकपटक म्याद थप । आधा दर्जन बढी मन्त्रीले आयोजनाको स्थलगत निरीक्षण । र, समयमै सम्पन्न गर्ने उद्घोष पनि । तर आयोजनाले गति लिन सकेको थिएन । नेपाल विद्युत् प्राधिकरणको नेतृत्वले पनि आयोजनालाई खासै चासो दिएको थिएन ।

समय बदलियो, सबै खालका विवादसमेत समाधान भयो । प्राधिकरणले पनि नयाँ नेतृत्व पायो । सरकारले आयोजनामा कुनै पनि खालको अवरोध हुन नदिने दृढता व्यक्त ग¥यो । ऊर्जा जलस्रोत तथा सिँचाइ मन्त्रालयले आयोजनालाई सम्पन्न गराउन हर प्रकारको सहयोग उपलब्ध गरायो । जसका कारण लामो समय समस्यामा फसेको माथिल्लो त्रिशूली थ्री ‘ए’ जलविद्युत् आयोजना पूर्णरुपमा निर्माण सम्पन्न भएको छ ।

‘आजदेखि हामीले पूर्ण क्षमतामा विद्युत् उत्पादन गरेर प्रणालीमा जोडेका छौ,' उनले भने, अब विभिन्न परीक्षण सकिएपछि व्यवसायिक रूपमा उत्पादन गर्ने छौँ।’ अबको एक महिनामा आयोजनाले व्यावसायिक उत्पादन सुरु गर्ने छ।

आयोजनाका अनुसार टोटल लोड रिजेक्सन टेष्ट, टनेलको मनिटरिङ, इफिसेन्सी टेष्ट, हाइ भोल्टेज टेष्ट लगायतका टेष्ट गरिने छ। यी सबै परीक्षण सफल भएमा आयोजनाले टेकिङ ओभर सर्टिफिकेट दिने छ।

आयोजनाले अहिले दोस्रो युनिटको परीक्षण उत्पादन गरिरहेको छ। परीक्षण उत्पादनको अवधी ७२ घण्टा हुन्छ। विद्युत् उत्पादन, सट डाउन तथा आयोजनालाई कसरी अघि बढाउने भन्ने बारे बैठक बसेर टुङ्गो लगाइने आयोजना प्रमुख जोशीले बताए।

पहिलो युनिटको परीक्षण गरिएको सवा दुई महिनापछि दोस्रो युनिटबाट परीक्षण उत्पादन सुरु गरेको छ। परीक्षण उत्पादन सफल भएमा आयोजनाले दुवैे युनिटबाट व्यावसायिक उत्पादन सुरु गर्ने छ।

६० मेगावाट क्षमताको आयोजनाको पहिलो युनिटबाट उत्पादित ३० मेगावट विद्युत् गत जेठ ३ गते राष्ट्रिय प्रसारण प्रणालीमा जोडिएको थियो। आयोजना  पूर्ण रूपमा सञ्चालनमा आएपछि आयोजनाबाट मुलकभित्र खपत हुने ऊर्जामा करिब ८ प्रतिशतको योगदान रहने छ। दुवै युनिटबाट ३०÷३० मेगावट विद्युत् उत्पादन हुन्छ। रसुवामा बाँध र नुवाकोेटमा विद्युत्गृह रहेको आयोजना नेपाल विद्युत् प्राधिकरणले निर्माण गरेको हो।

आयोजनाको मुख्य सुरुङको ब्रेक थ्रु २०७४ भदौमा भएको थियो। आयोजनाको निर्माण ठेकेदार चाइना गेजुवा ग्रुप अफ कम्पनी (सिजिजिसी) ले गरेको हो। इन्जिनियरिङ, खरिद र निर्माण (इपिसी) मोडलमा सिभिल विद्युत् गृह, बाँध, सुरुङलगायतका संरचना र इलेक्ट्रोमेकानिकल तथा हाइड्रोमेकानिकलको काम गर्न चाइना गेजुवा ग्रुप अफ कम्पनीज (सिजिजिसी) सँग २०६७ जेठ १४ गते ठेक्का सम्झौता भएको थियो।

आयोजना २०६८ साल वैशाखबाट निर्माण सुरु भएको थियो। भूकम्पका कारण करिब २२ महिना निर्माण कार्य प्रभावित बनेको थियो। भूकम्प र नाकाबन्दीले आयोजनाको संरचनामा क्षति पु¥याएको थियो। आयोजना निर्माण सम्पन्न गर्नका लागि १३ अर्ब ९९ करोड १२ लाख ५० हजार रुपयाँ खर्च हुने छ।

आयोजनाबाट उत्पादन भएको विद्युत् थ्रिबि हबदेखि मातातीर्थ सबस्टेसनसम्म ४५ किलोमिटर दूरी रहेको प्रसारण लाइन मार्फत लगिने छ। जसमा पावर हाउस (सिम्ले) देखि थ्रिबी हबसम्म १३२ केभी, थ्रिबी हबदेखि बाँडभञ्ज्याङसम्म २२० केभी डबल सर्किट र बाँडभञ्ज्याङदेखि मातातीर्थसम्म २२० केभी फोर सर्किट प्रसारण लाइन निर्माण गरिएको छ।

प्रकासित मिति

 
 
Loading...
Loading...

 

Loading...

ताजा खबर