tealaya add

काठमाण्डाै  ७ जेठ  चालू आर्थिक वर्षको ९ महिनामा ६ खर्ब ५३ अर्ब १९ करोड रुपैयाँ बराबरको रेमिट्यान्स  वैदेशिक रोजगारीमा गएका नेपाली नागरिकले नेपाल पठाएका छन् ।

Remittance

चालू आवको नौ महिनामा गएकाे आवको तुलनामा २० दशमलव नौ प्रतिशतले रेमिट्यान्स वृद्धि भएको हो । त्यही अवधिमा अघिल्लो वर्षको  रेमिट्यान्स पाँच दशमलव ६ प्रतिशतले बढेको थियो ।

नेपाल राष्ट्र बैंकले हालै प्रकाशित गरेको वित्तीय विवरणमा  उल्लेख गरिएअनुसार अमेरिकी डलरमा भएको मूल्य वद्धिले विप्रेषण आप्रवाह नौ दशमलव पाँच प्रतिशतले वृद्धि भएको हो । यस्तो आप्रवाह अघिल्लो वर्ष ९.६ प्रतिशतले बढेको थियो । नौ महिनाको अवधिमा खुद ट्रान्सफर आय २० दशमलव नौ प्रतिशतले वृद्धि भई सात खर्ब ४६ अर्ब चार करोड रुपैयाँ पुगेको छ । अघिल्लो वर्षको सोही अवधिमा यस्तो आय शून्य दशमलव तीन प्रतिशतले घटेको थियो ।

अन्तिम श्रम स्वीकृति संस्थागत तथा व्यक्तिगतका आधारमा वैदेशिक रोजगारीमा जाने नेपालीको सङ्ख्या समीक्षा अवधिमा ३९ दशमलव तीन  प्रतिशतले घटेको केन्द्रीय बैंकले उल्लेख गरेको छ ।

अघिल्लो वर्षको त्यसै अवधिमा यस्तो सङ्ख्या ६ दशमलव ८ प्रतिशतले घटेको थियो । साथै, पुनः श्रम स्वीकृतिका आधारमा वैदेशिक रोजगारीमा जाने नेपालीको सङ्ख्या समीक्षा अवधिमा ४ दशमलव ६ प्रतिशतले बढेको बैंकले जनाएको छ । अघिल्लो वर्षको त्यही अवधिमा यस्तो सङ्ख्या तीन दशमलव एक प्रतिशतले घटेको थियो । 

प्रकासित मिति

 
 
Loading...
Loading...

 

Loading...