1478958692 banner ad format

 
 

काठमाडौँ । दक्षिण एसियाका अर्थोडोन्टिक (दाँतमा तार बाँध्ने वा ब्रसेज विशेषज्ञ ) काठमाडौँमा भेला भई पछिल्लो समय विकास भएको उपचार पद्धतिबारे छलफल गर्दैछन् । 

South Asia dental specialist in kathmandu

साउथ एसिया इन्टरनेसनल अर्थोडोन्टिक काँग्रेसको दोस्रो एवम् अर्थोडोन्टिक तथा अर्थोफेसियल अर्थोपेडिक एसोसियसन नेपाल ( ओडाअन)को सातौँ सम्मेलनमा नेपालसहित १८ देशका १५० देशका अर्थोडोन्टिक सर्जनले आज र भोलि(मङ्गलबार र बुधबार) आआफ्ना देशका उपचार पद्धति र सेवा विस्तारका बारेमा अनुभव साटासाट गर्नेछन् । 

एसोसियसनका अध्यक्ष प्रा डा प्रकाश भट्टराईका अनुसार दुई वर्ष पहिले तय भएको कार्यक्रम भए पनि भूकम्पका कारण सम्मेलन स्थगन भएको थियो । पाकिस्तान बाहेक सार्कका मुलुक, अस्ट्रेलिया, जापान, दक्षिण कोरियालगायत देशका अर्थोडोन्टिक सर्जन सम्मेलनमा सहभागी छन् । 

एसोसिसनका अध्यक्ष डा भट्टराईले अर्थोडोन्टिक्सले बाङ्गोटिङ्गो र नमिलेको दाँतको उपचार गर्नाका साथै अनुहारको हाडको समस्याको रोकथाम र उपचार गर्ने बताए । त्यसबारे नयाँ प्रविधिको विकास भइरहेको र नेपालमा पनि चाँडै भित्रिने उनले बताए। 

उनले नेपालका करिब ८० प्रतिशत बालबालिकाको दाँत बाँध्नुपर्ने अवस्था रहेको बताउँदै अझै त्यसको उपचार गर्नुपर्छ भन्ने चेतना विकास नभइसकेको बताए । उनले भने, ‘‘बाङ्गो दाँत सिधा गर्ने मात्र नभई बच्चाको हड्डी र वयस्कमा जवडाको समस्या (जव डेफोमिर्टी) को समाधान अर्थोग्नाथिक सर्जरीद्वारा गरिन्छ । पछिल्लो समय दाँतलाई व्यक्तित्वसँग जोडेर हेर्न थालिएको छ । त्यसबाहेक पनि बाङ्गोटिङ्गो दाँत नमिलाउँदा स्वास्थ्य समस्या पनि देखिने भएकाले यसको उपचार गराउनै पर्छ ।’’ 

वीर अस्पताल दन्त विभागका अर्थोडोन्टिक सर्जन मनिष वज्राचार्यले दाँत किराले खाने र गिजाको समस्या आदिबाट छुट्कारा पाउन तथा रोजगारी, विदेश अध्ययन आदिमा राम्रो आकर्षक दाँतले भूमिका खेल्ने हुँदा पछिल्लो समय अर्थोडोन्टिकको माग बढ्दै गएको धारणा राखे |

प्रकासित मिति

Loading...

 

yummyfood