pandal

राज स्थान - आइतबार भारतको राजस्थानस्थित बार् मर क्षेत्रमा अपरान्ह् करिब ४ः३० बजे एक्कासि हावासहित परेको वर्षाका कारण स्थानीय एक ‘पान्डा ल’ भत्किँदा कम्तीमा १४ जनाको मृत्यु भएको भारतीय अधिकारीले बताएका छन् ।

“धार्मिक सभाका लागि निर्माण गरिएको उक्त अस्थायी संरचना (टेन्ट) भत्किएर १४ जनाको मृत्यु भएको छ भने कम्तीमा ५० जना घाइते भएका छन्,” स्थानीय प्रहरी अधिकारीले बताएका छन् ।

“घटनामा २५ जनाभन्दा बढी गम्भीर घाइते भएका र उनीहरूलाई उपचारका लागि विभिन्न अस्पतालमा भर्ना गरिएको छ । ”

यसैबिच भारतीय प्रधानमन्त्री नरेन्द्र मोदीले धार्मिक सभामा भएको उक्त घटनाप्रति दुःख व्यक्त गर्दै मृतकका परिवारप्रति समवेदना व्यक्त गरेका छन् । साथै उनले घाइतेहरूको शीघ्र स्वास्थ्य लाभका लागि कामना गरेका छन् ।

प्रधानमन्त्रीको कार्यालयको आधिकारिक ट्विटर पेजमा प्रधानमन्त्रीले भनेका छन्, “बार्मरमा पान्डा ल भत्केर दुःखद घटना घटेको छ । यस समय घटनामा ज्यान गुमाउने शोकाकुल परिवारप्रति म समवेदना प्रकट गर्न चाहन्छु साथै घटनामा घाइते भएका सबैको शीघ्र स्वास्थ्य लाभका लागि कामना गर्दछु ।”

यसै गरी राजस्थानका मुख्यमन्त्री अशोक गेलटले घटनाले आफूलाई स्तब्ध बनाएको जनाएका छन् ।

उनले घटनाबारे छानबिन समिति बनाई अनुसन्धान गर्न आग्रह गर्दै राज्यले मृतक तथा घाइतेका परिवारलाई यथासम्भव सहयोग गर्ने विश्वास व्यक्त गरेका छन् ।

प्रकासित मिति

 
 
Loading...
Loading...

 

Loading...