1478958692 banner ad format

 
 

लण्डन– तपाईंका सन्तानलाई स्मार्टफोनसँग खेल्ने बानी छ भने सतर्क हुनुहोस् । उनीहरुको यस किसिमको बानीले उनीहरुको निद्रा चोरिरहेको छ । स्मार्टफोन हिजोआज बालबालिकाको निद्राको दुस्मन हुन थालेको छ ।

Tech News in Nepali children Vs smart fone

वैज्ञानिकहरुले गरेको एउटा शोधमा के देखियो भने जो बालबालिका स्मार्टफोन या ट्याबलेटमा बढीभन्दा बढी समय बिताउने गर्छन्, तिनको निद्रा अवधि निकै कम थियो । उनीहरु अन्य सामान्य बालबालिका जो ट्याबलेट वा स्मार्टफोन चलाउँदैनन्, तिनीहरुको तुलनामा कम निद्रा लाग्ने गरेको देखिएको हो ।
अध्ययनमा भनिएको छ, टचस्क्रिनसँग बिताइएको हरेक घण्टा केटाकेटीको निद्रामा १५ मिनेट कम गर्ने गर्छ । यद्यपि अध्ययनले के पनि देखाएको छ भने टचस्क्रिनमा खेल्ने बालबालिकाको मोटर स्किल अन्य बालबालिकाकोभन्दा बढी देखिएको छ ।

बालबालिकाले कति समय स्मार्टफोन र ट्याबलेटमा गुजार्छन् भन्नेमा अध्ययन केन्द्रित गरेका थिए । त्यसैले यस विषयलाई अभिभावकहरुले नदेखेझैँ गर्न नहुने वैज्ञानिकहरुको धारणा छ । दिनप्रतिदिन घरमा टचस्क्रिनको मात्रा बढिरहेको छ तर बाल्यकालमा यसले पार्ने असरबारे निकै कम अध्ययन भएको छ । न त बालबालिकालाई यसका हानिकारक पक्ष नै थाहा हुन्छ ।

लन्डन विश्वविद्यालयको यस शोधमा तीन वर्षभन्दा कम उमेरका बालबालिकाका बाबुआमासँग प्रश्न सोधिएको थियो । उनीहरुलाई सोधिएको थियो, तपाईंको बच्चा कति समयसम्म स्मार्टफोन या ट्याबलेटमा खेल्ने गर्छ ? कति कति बेला खेल्छ ? कतिबेला सुत्छ र कति लामो समयावधिसम्म सुत्छ ?

बेलायतमा भएको यस शोधले ७५ प्रतिशत बालबालिकाले दैनिक टचस्क्रिन खेलाउने गर्छन् र तीमध्ये त ६ महिनादेखि ११ महिनासम्मका बालबालिका यसमा अभ्यस्त हुन थालेका छन् ।

जसले टचस्क्रिनमा खेल्ने गर्छन्, उनीहरु राति कम सुत्ने गर्छन् भने दिउँसो बढी सुत्छन् । एक घण्टासम्म टचस्क्रिन प्रयोग गर्दा उनीहरुको रात्रिकालीन निद्रा १५ मिनेटले घटेको पाइएको थियो ।एजेन्सी 
 

प्रकासित मिति

Loading...