annapurna add

aig logo e1581829552373

एक जना अतिरिक्त प्रहरी महानिरीक्षक (एआईजी) र ५ प्रहरी नायब महानिरीक्षक (डीआईजी)को दरबन्दी प्रहरी किताबखानामा दर्ता भएसँगै बढुवा सिफारिस गर्ने बाटो खुलेको छ । नेपाल सरकारले थपेको १ जना एआईजी र ५ जना डीआईजीको दरबन्दी नेपाल प्रहरीको किताबखानामा दर्ता भएपछि सरकारलाई बढुवा सिफारिस गर्न बाटो खुलेको हो ।

प्रहरी प्रधान कार्यालय स्रोतका अनुसार ४ गते थपिएको दरबन्दीको बिहीवार प्रहरी किताबखानामा दर्ता भएको थियो । सरकारले दरबन्दी थप गरेपनि प्रहरी किताबखानामा दर्ता भएपछि मात्रै बढुवा प्रकृया अगाडि बढ्ने कानुनी प्रावधान छ ।

गत ८ गते नेपाल प्रहरीमा एक जना एआईजी र ५ जना डीआईजीको दरबन्दी थप गरेको थियो । सङ्घीय संरचनाअनुसार प्रहरी समायोजनमा सङ्गठन तथा व्यवस्थापन सर्वेक्षणका लागि गृह सचिवको नेतृत्वमा बनेको समितिले तयार पारेको सङ्गठनात्मक स्वरुप निर्धारण प्रतिवेदन मन्त्रिपरिषद्बाट स्वीकृत गर्ने क्रममा दरबन्दी थपिएको थियो । एआईजी र डिआईजि बढुवाको प्रक्रिया छिट्टै अघि बढाईने नेपाल प्रहरी स्रोतले बताएको छ । अब एआईजीमा बढुवा हुने व्यक्ति नै प्रहरीका भावी आईजीपी बन्ने छन् ।

 

प्रकासित मिति

 
 
Loading...
Loading...

 

Loading...