नेकपाका २ समूहको हुम्लामा झडप : वडा अध्यक्षको टाउकोमा ६ टाँका

हुम्लामा नेकपाको ओली र प्रचण्ड–नेपाल समूहबिच झडप भएको छ। झडपमा अदानचुली गाउँपालिका वडा नम्बर १ का वडाध्यक्ष रंग थापा घाइते भएका छन्। थापाको टाउको तथा मुखमा चोट लागेको छ। स्थानीय स्वास्थ्य चौकीमा अध्यक्ष थापालाई ६ वटा टाँका लगाइएको छ।

वडा नम्बर १ को कल्ख्यामा नेकपाको ओली पक्षले वडा कमिटी गठन गरेर फर्कने क्रममा बाटोमा प्रचण्ड–माधव पक्षका कार्यकर्ताहरुले ढुङ्गामुढा गर्दा वडाध्यक्ष थापा घाइते भएका गाउँपालिका अध्यक्ष दल फडेराले बताए। वडाअध्यक्ष थापा पूर्व माओवादीबाट निर्वाचित भएका थिए। तर उनी अहिले ओली समूहमा लागेका छन्।