1478958692 banner ad format

 
 

खोटाङ । आगलागीमा परी विद्यालय ध्वस्त भएपछि खोटाङको रुपाकोट मझुवागढी नगरपालिका–१२ जालपास्थित ज्योति माविको पठनपाठन बन्द गरिएको छ । 

KHOTANG JOTI school

स्थानीयवासी सुतिसकेपछि अज्ञात समूहले सोमबार राति विद्यालयमा आगजनी गरेपछि अर्को विकल्प नभएसम्मका लागि पठनपाठन बन्द गरिएको छ । 

जिल्लाको नमुना मानिएको ज्योति माविमा अहिले २६१ विद्यार्थी अध्ययनरत छन् । अज्ञात समूहले विद्यालयमा आगजनी गरेपछि मङ्गलबार बिहान विद्यालय आएका विद्यार्थी रुदै घर फर्किएका प्रधानाध्यापक टीकाबहादुर श्रेष्ठले बताए । 

अज्ञात समूहले गरेको आगजानीबाट विद्यालयको दुई कोठे भवनको प्रशासन कक्ष, पुस्तकालय, लेखा र कक्षा कोठासहित नौंवटा कोठा ध्वस्त बनेको छ । राति करिब १२ बजे सुरु भएको आगोले विद्यालयको प्रशासन कक्षमा राखिएको १० थान दराज, टेबल, कुर्सी, विद्यालयसँग सम्बन्धित कागजात, शैक्षिक सामग्रीलगायत जल्दा करिब रु साँढे दुई करोड बढीको क्षति भएको प्रहरीले जनाएको छ । 

२०४६ सालमा स्थापना भएको विद्यालयको आगलागीका कारण खुल्न सकेको छैन । 

विद्यालयको चारैतिरबाट एकैपटक आगो लाग्न सुरु भएका कारण नियोजितरुपमा कसैले आगो लगाइएको अभिभावकले दाबी गरेका छन् । 

जिल्लामा निजी विद्यालयमा मात्र अङ्ग्रेजी माध्यमबाट पठन–पाठन हुने समयमा ज्योति माविले २०६५ सालदेखि अङ्ग्रेजी माध्यमबाट पठन–पाठन सुरु गरेको थियो । सो विद्यायलले जिल्लामा नमुना विद्यालयका रुपमा पहिचान बनाएको छ । 

प्रकासित मिति

Loading...

 

yummyfood