1478958692 banner ad format

 
 

इलाम । पूर्वमा टिष्टा नदीसम्म पुगेको नेपालको सीमानाको चिनो ‘खड्ग निशान’ पन्ध्र बर्ष पछि पुनः इलाम भित्र्याइएको छ ।

दुई सय बर्ष लामो इतिहास बोेकेको यो निशाना सुरक्षाको कारण देखाउँदै २०५९ साल वैशाख २६ गते काठमाडौं लगिएको थियो ।

इलामको इतिहास बोकेको नेपाली सेनाको २ सय बर्ष पुरानो निशानी इलामको माइस्थानमा फर्काइदैछ । बैदिक विधि अनुसार निशानलाई माइस्थानमा मन्दिरमा पुर्नस्थापित गरिने भएको छ ।

अंग्रेजसँगको सुगौली सन्धिपछि नेपालले जितेको भू–भाग सिंहलिला पर्वत श्रृङखालाको पानी ढलोका आधारमा मेची नदीका मिसित भएपछि सिष्टाबाट फर्काइएको यो निशान सहित तात्कालिन नेपाली सेनाकोे श्रीनाथ पल्टनले करफोकको पूर्णे डाँडामा आएर बसेको इतिहास छ ।

भारतीय सिमानाको नजिक भएका कारण पूर्णे डाँडामा दुईववर्ष राखि उपयुक्त स्थानको खोजीका यो निशान नामसालिङमा पु¥याइएको थियो ।

०७३ मंसिरमा इलामबासीले यो निसानलाई इलामनै फर्काउन हस्ताक्षर सहित प्रधान सेनापतिलाई आग्रह गरिएको थियो ।

जिल्लाबासीको आग्रह अनुसार इलाम फर्काइएको निशान नेपाली सेनाका दुईवटा हेलिकप्टरले इलाम ल्याएका हुन् ।

निशान इलाम आइपुगेपछि जिल्लाबासीले निशानलाई निशान भगवतीका रुपमा स्वातग तथा बाजागाजा सहित माइथान मन्दिर भित्र्याएका थिए ।

माइस्थान मन्दिरमा निशानको पूजा गरेरमात्र निशान घरमा राखिएको थियो ।

निशान पूर्नस्थापनाका अवसरमा कायममुकायम प्रधान सेनापति बलदेवराज महत, संविधान सभाका पूर्व अध्यक्ष सुबासचन्द्र नेम्वाङ, इलामका मेयर महेश बस्नेतलयागत नव निर्वाचित जनप्रतिनिधिको उपस्थिति थियो ।

प्रकासित मिति

Loading...

 

yummyfood