गोरखा -  मंसिर १० र २१ गते हुने प्रतिनिधिसभा र प्रदेशसभा सदस्य निर्वाचनका लागि संयुक्त चुनावी सभाको आज गोरखाबाट प्रारम्भ गर्दै नेकपा (एमाले)का अध्यक्ष केपी शर्मा ओलीले निर्वाचनलगत्तै देशमा कम्युनिष्ट शासन आउने र वामपन्थीहरूको बलियो स्थायी सरकार बन्ने बताए । 

Pushpa Kamal Dahal

गोरखाको पालुङटारमा आज आयोजित चुनावीसभामा अध्यक्ष ओलीले भने , “चुनावपछि नेपालमा कम्युनिष्ट शासन आयो, आयो । काँग्रेस ढल्यो, बूढो रुख ढल्यो, ढल्यो ।” 


नयाँ शक्ति पार्टीका संयोजक डा बाबुराम भट्टराईप्रति आक्रामक रुपमा प्रस्तुत हुनुभएका ओलीले भने, “बूढो रुखमा आड लागेर शिशा राखेको प्लाष्टिकको आँखा बोकेर केही गर्न सकिँदैन । विकास र समृद्धि ल्याउन सकिँदैन ।” 


अध्यक्ष ओलीले आउँदो पुसमा वामपन्थीको सरकार बन्ने दाबी पनि गरे। 

नेता ओलीले गोरखा २ मा वाम गठबन्धनबाट उम्मेदवार बन्नुभएका माओबादी नेता नारायणकाजी श्रेष्ठले जित्ने बताए र भट्टराईप्रति ब्यङ्ग गर्दै भने, “करकलोलाई बन्चरो लगाउनुपर्दैन ।” 

बाबुरामसँग भोट माग्ने नैतिक अधिकार छैन ः प्रचण्ड 

पालुङटारमा वाम गठबन्धनले गरेको संयुक्त चुनावीसभालाई सम्बोधन गर्दै नेकपा (माओवादी केन्द्र)का अध्यक्ष पुष्पकमल दाहालले गोरखामा वाम गठबन्धनका उम्मेदवारले चुनाव जित्ने दाबी गरे । 

उनले गोरखा २ मा लोकतान्त्रिक गठबन्धनबाट उम्मेदवार बनेका डा बाबुराम भट्टराईले जनतासँग भोट माग्ने अधिकार नराख्ने दाहालले बताए । 

अध्यक्ष प्रचण्डले भने, “चितवन ३ र गोरखा २ मा नेपाली कांग्रेसका साथीहरूले माओवादीका उम्मेदवारलाई सहयोग गर्नुपर्छ किनभने गिरिजाप्रसाद कोइरालाले मलाई शान्ति प्रक्रियाको टुंगो लगाउन भन्नुभएको थियो । त्यो पूरा गर्न पनि कांग्रेसले हलो र आँखालाई होइन हँसिया हथौडामा भोट हाल्नुपर्छ ।” 


यसैबीच, वाम गठबन्धनले आज भच्चेक, घैरुङ र आरुघाटमा बृहत चुनावीसभा सम्पन्न गरेको छ । 

प्रकासित मिति

 
 
Loading...
Loading...

 

Loading...