1478958692 banner ad format

 
 

काठमाडौं- निर्वाचन आयोगले बुधबार हुने दोस्रो चरणको स्थानीय तह निर्वाचनका लागि आइतबारदेखि मतदाता परिचयपत्र वितरण गर्ने भएको छ।

voters idcard nepal min

दोस्रो चरणअन्तर्गत निर्वाचन हुने प्रदेश नम्बर १, ५ र ७ अन्तर्गत ३५ जिल्लाका ३ सय ३४ स्थानीय तहका मतदातालाई आइतबार, सोमबार र मंगलबार परिचयपत्र वितरण गर्ने भएको हो। यसअघि गत वैशाख ३१ गते सम्पन्न पहिलो चरणको निर्वाचनमा पनि मतदानका लागि मतदाता परिचयपत्र अनिवार्य गरिएको थियो।

आयोगले दोस्रो चरणको चुनावमा मतदान गर्न पाउने ६४ लाख ३२ हजार ७ सय ६५ मतदाताका परिचयपत्र सम्बन्धित जिल्लामा पठाइसकेको छ। 

निर्वाचन आयोगका अनुसार मतपत्र, मतदाता परिचयपत्र, मतदाता नामावली, मतपेटिकालगायत निर्वाचनका लागि आवश्यक सामग्री शनिबारसम्म मतदान केन्द्रमा पुर्‍याइसकिनेछ। आयोगले दुर्गम ठाउँमा हेलिकोप्टर र अन्यत्र गाडीमार्फत मतदान सामग्री सम्बन्धित ठाउँमा पठाउने तयारी भएको जनाएको छ।

३७ जना निर्विरोध

दोस्रो चरणमा हुने स्थानीय तहको निर्वाचनमा उम्मेदवारी दर्ता गराएका वडाध्यक्षसहित ३७ जना निर्विरोध निर्वाचित भएको आयोगले जनाएको छ। आयोगका अनुसार प्रदेश नम्बर १ मा १२, प्रदेश नम्बर ५ मा १२ र प्रदेश नम्बर ७ मा १४ जना निर्विरोध निर्वाचिन भएका छन्। यिनमा एमाले र कांग्रेसका बराबर छन्। आयोगका अनुसार एमालेका १४, कांग्रेसका १४ र माओवादीका ९ जना निर्विरोध निर्वाचित भएका छन्। निर्विरोध निर्वाचित भएकामध्ये २४ जना दलीत तर्फका महिला सदस्य रहेको आयोगले जनाएको छ।

प्रकासित मिति

Loading...

 

yummyfood