1478958692 banner ad format

 
 

रोल्पा  । सदरमुकाम लिवाङस्थित मानव अधिकारका लागि महिला एकल महिला समूहको पक्की भवन डोजर लगाएर भत्काइएको छ । 


Single Women rolpa
तत्कालीन जिविस रोल्पाको रु चार लाख, एकल महिलाको मासिक बचत सङ्कलनबाट उठेको रकम तथा एकल महिलाको जनश्रमदानसमेत गरी रु सात लाख ५० हजारको लागतमा निर्मित सो भवन जबर्जस्ती भत्काइएको समूह रोल्पाका अध्यक्ष तुलसा आचार्यले बताए |

साबिक लिवाङ गाविससँग मौखिक सम्झौता गरी सो भवन बनाइए पनि नगरपालिका बनेपछि भवन भत्काउन जबर्जस्ती आदेश दिइएको आचार्यले बताए । वडा कार्यालय बनाउने भन्दै सो भवन डोजर लगाएर भत्काइएको समूहले जनाएको छ । भवनमा एकल महिलाको लगानीमा चमेना घर र कार्यालय सञ्चालन हँुदै आएको थियो । 

नगरपालिकाले सो भवन भत्काएको नभई १५ दिने सूचना प्रकाशन भएपछि एकल महिलाले आफँै भवन भत्काएको नगरपालिकाका कार्यकारी अधिकृत कमानसिं थापाले बताए। “सम्झौताबिना नै आफ्नो जग्गामा भवन बनाएको देखिएकाले सो भवन भत्काउन सार्वजनिक सूचना गरेका हाँै” थापाले भने । एकल महिलाले भवन बनाएको स्थानमा आफूहरुले वडा कार्यालय बनाउन लागेका कारण भवन भत्काउनुपरेको थापाले जानकारी दिए ।

समूहले घडेरीको व्यवस्था गरेमा नगरपालिकाको आर्थिक सहयोगबाट सानो भवन बनाउन सहयोग गर्न सकिने थापाले बताए । समूहसँग बसेर सल्लाह गरेर भवन भत्काइएको नेपाली काँग्रेस नगर संयोजक चन्द्रप्रकाश आचार्यले बताए । नगरपालिकाको पुरानो भवनमा तत्कालका लागि कार्यालय सञ्चालन गर्ने सहमतिअनुसार भवन भत्काइएको उनले बताए  । जग्गा खोजेमा आगामी आवको बजेटबाट रु ५० लाख सहयोग गरी भवन बनाइदिने सहमति समेत भएको आचार्यले बताए । 

नेकपा (माओवादी केन्द्र)का नगर अध्यक्ष पूर्णबहादुर केसीले समूहको कार्यालय सञ्चालनको वैकल्पिक व्यवस्थाका लागि सहयोगका साथै सम्बन्धित निकायमा समन्वय गरिने बताए ।

प्रकासित मिति

Loading...

 

yummyfood