1478958692 banner ad format

 
 

काठमाडौं- सेप्टेम्बर १० लाई विश्वभरि आत्महत्या विरुद्धको दिवसका रुपमा मनाइन्छ। तनाव, मानसिक रोग, डिप्रेसन जस्ता समस्याले विश्वभरि नै बर्सेनि आत्महत्या गर्नेको संख्या बढ्दो छ। विश्वका बर्सेनि ८ लाख मानिसले आत्महत्या गर्ने अनुमान छ। आत्महत्यालाई कतिले कायरताको संज्ञा दिन्छन् त कतिले हिम्मत। अनेकथरि बहस छन् आत्महत्यालाई लिएर। अधिकांशले भने एकबारको जीवन आत्महत्या गरेर त्यसै अन्त्य गर्न नहुने तर्क गर्छन्।

succide Nepali artists

संसारमा धेरै सेलिब्रेटीले आत्महत्याको बाटो रोजेर आफ्ना प्रशंसकलाई स्तब्ध पारेका छन्। नेपालका केही कलाकारले पनि त्यस्ता कदम उठाएर आफन्त र समर्थकलाई दुःखी बनाएका छन्। आत्महत्याको बाटो रोज्ने ५ नेपाली कलाकारको सूचि यस्तो छ:

यम बुद्ध

युवापुस्तामा 'र्‍याप ब्याटल'लाई लोकप्रिय बनाउनमा सक्रिय यमबुद्धले गत वर्ष बेलायतमा आत्महत्या गरे। युवापुस्तामाझ लोकप्रिय उनले बेलायतस्थित आफू बस्ने घरको शौचालयमा पासो लगाई आत्महत्या गरेका हुन्। मेरो जुत्तामा, साथी, आउँदैछु म, फुटपाथ मेरो घर, यो प्रसंग, दिदी, अन्त्यको शुरुवात, नाचन, आमा लगायत उनका कयौं गीत हिट छन्।

योगिता मोक्तान

गायिका योगिता मोक्तानले पनि आफ्ना सारा समस्याको समाधान मृत्युमै देखिन्। उनले प्रेममा धोका पाएपछि सन् २०१३ मा आत्महत्या गरिन्। उनी विशेषगरी तामाङ सेलो गीतका लागि चर्चित थिइन्।

जेशिका खड्का

म्युजिक भिडियोमा अभियन गर्ने जेशिका खड्काको एकाएक गायक प्रकाश ओझासँगको नग्न भिडियो सार्वजनिक भयो। त्यो घटनाले उनी निकै विक्षिप्त बनिन्। त्यो घटनापछि पनि उनी अभिनय क्षेत्रमा फर्किएकी थिइन्। केही समय विदेश बसेकी जेशिकाले केही चलचित्रमा अभिनय समेत गरिन्। अन्ततः सन् २०१२ मा उनले पनि आत्महत्या गरेर आफ्नो जीवन अन्त्य गरिन्।

कुल पोखरेल

प्रतिभावान गायक कुल पोखरेल पनि असमयमै गए। २३ वर्षको उमेरमा सन् २००३ मा संसार छाडेका कुलका 'आमा', 'हुन्न र', 'यो इ यो यो', 'यसपाली दशैंमा' लगायतका गीत चर्चित छन्। ड्रग्सको कुलतमा फँसेका कुलको आत्महत्याको कारण ड्रग्स नै मानिएको थियो।

श्रीषा कार्की

श्रीषाको घरमा एक सैनिक मेजरसँग विवाहको कुरा चल्दै थियो। सोही बखत एक साप्ताहिक पत्रिकाले उनको नाङ्गो तस्विर छाप्यो। त्यो घटनाले मानसिक रूपमा हतोत्साही बनेकी श्रीषाले सन् २००२ मा पासो लगाएर आत्महत्या गरिन्। उनले 'घाँम छायाँ' लगायतका फिल्ममा काम गरेकी थिइन्।

प्रकासित मिति

Loading...

 

yummyfood