tealaya add

काठमाडौं । कर्णाली सरकारले कोहलपुर-हिल्सा सडक निर्माणका लागि पहल गरेको छ । सडक निर्माणका लागि प्रदेश सरकारले संघीय सरकारसित स्वीकृति मागेको छ ।
सडक निर्माण तथा स्तरोन्नतीका लागि दाताहरु सहयोग गर्न तयार रहेको भन्दै कर्णाली सरकारले लगानीका लागि स्वीकृती दिन केन्द्र सरकारसँग आग्रह गरेको छ ।
आइतबार बसेको कर्णालीको मन्त्रिपरिषद् बैठकले केन्द्र सरकार समक्ष सडक निर्माण तथा स्तरोन्नतीका लागि सिफारिस गर्ने निर्णय गरेको हो ।
 
केही दिन अघि मात्रै प्रदेश सरकारले दाताहरुसँग लगानीका लागि छलफल गरेको थियो । उक्त छलफलमा दाताहरु कर्णालीको विकासका लागि लगानी गर्न तयार भएका थिए ।
 
तर, दाताहरुले लगानी गर्नका लागि केन्द्र सरकारले स्वीकृत दिनुपर्ने भएकोले सिफारिस गरिएको कर्णाली सरकारी प्रवक्ता विमला केसीले जानकारी दिइन् ।
 
आइतबारको बैठकले चालु आर्थिक वर्षको वजेट कार्यान्वयनका लागि अपुग प्राविधिक कर्मचारी सेवा करारमा नियुक्त गरी तीव्रताका साथ कार्यान्वयन गर्ने निर्णयसमेत गरेको छ ।
 
यस्तै, मन्त्रालयहरुले कामलाई व्यवस्थित गर्न कार्यातालिका निर्माण गरी कार्यान्वयन गर्ने निर्णय बैठकले गरेको मुख्यमन्त्रीका प्रेस सल्लाहाकार ध्रुब बुढाथोकीले बताए ।

प्रकासित मिति

 
 
Loading...
Loading...

 

Loading...