Header

भारतले नेपाल टुक्राउन प्रयोग गरेका सूत्र र पात्रहरु यस्ता छन !

diya

nepal11

उपप्रधानमन्त्री टोपबहादुर रायमाझी सहभागी एक कार्यक्रममा सरकारी विद्यालयका विद्यार्थीले ‘भारतले जे भन्यो त्यही मान’ भन्दै गीत गाए । रायमाझीको गृहजिल्ला अर्घाखांचीको जनज्योती विद्यालयका विद्यार्थीले भारतीय राजदुत रन्जित रेसमेत सहभागी कार्यक्रममा सो गीत गाएपछि भारतीय दुतावासबाट सोझै हुने लगानी थप विवादमा परेको छ ।

सूर्यबहादुर थापा नेतृत्वको प्रधानमन्त्रीत्व कालमा कमल थापा दोस्रो बरियताका मन्त्री थिए । सोही मन्त्रिपरिषद्ले भारतीय दुतावासलाई उसैको ईच्छा बमोजिम ३ करोडसम्म कुनै ठाऊं विशेषमा लगानी गर्न दिने निर्णय गरेको थियो । बाबुराम भट्टराईको कार्यकालमा सो रकम बढाएर ५ करोड पुर्याइयो । मन्त्री थापाले सो निर्णयबाट आफुलाई आत्मग्लानी भएको र दुतावासबाट देशमा समानान्तर सरकार संचालन भइरहेको प्रष्ट गरेका थिए ।

उपप्रधानमन्त्री बन्नुभन्दा ठीक एक बर्षअघिको अन्तवार्तामा उनले सो गम्भीर गल्ती सच्याउनुपर्ने बताएका थिए । तर, अहिले मौन छन् । उपप्रधानमन्त्री रायमाझीका सामुन्नेमा गाइएको भारतभक्तिको गीतको भिडियो र उपप्रधानमन्त्री थापाको अन्र्तवार्ताको भिडियो लिएर हामी देशभक्तको छबि बनाएका अर्का उपप्रधानमन्त्री चित्रबहादुर केसीकोमा पुग्यौं । उनले बर्तमान मन्त्रिपरिषद्मा समेत भारतका दलाल रहेको प्रतिक्रिया दिए । भारतले नेपाललाई टुक्राउन रणनीति बनाएको ठोकुवा गरेका केसीले रणनीतिका बारेमा विस्तृतमा व्याख्या गरे । उनी भन्दैथिए, ‘गए जाने पद र ज्यान हो । दुबैको मलाई प्रवाह छैन ।’

नेपाललाई यसरी टुक्राउंदैछ भारत

केसीले उपप्रधानमन्त्री नियुक्त भएको भोलिपल्टै एक टेलिभिजन अन्र्तवार्तामा भारतले नेपाल टुक्राउन चाहेको अभिव्यक्ति दिएका थिए । भारतीय दुतावासले समेत खेद प्रकट गरेको अभिव्यक्तिप्रति तपाईलाई आत्मग्लानी छ ? उनले जवाफ फर्काए,‘आत्मग्लानी होइन, आत्मगौरब छ ।’

उपप्रधानमन्त्री केसी अझ अगाडि बढ्दै भने, ‘भारतले नेपाल टुक्राउन चाहेकोमा दुईमत छैन । कसैले नबुझेको छ भने उ भन्दा मुर्ख अरु को होला ?’

उनीसंग आधार सोधियो । उनले मन्त्री भइसकेपछि भारतले नेपाल टुक्राउन चालेका थप कदमका बारेमा आफु जानकार भएको जनाए । नेपालको तराई भुभागलाई पहिले नेपालबाट अलग गर्ने भारतको योजना रहेको उनको भनाइ छ । नेपालबाट तराई अलग गरेपछि सो भुभाग आफ्नोमा गाभ्ने भारतको योजना रहेको सनसनीपूर्ण अभिव्यक्ति उनले दिएका छन् । अहिले बनेको २ नम्बर प्रदेश भारतीय भूमी बन्ने खतरा उनले अन्तवार्ताका क्रममा स्पष्ट गरेका छन् ।

देश टुक्राउन दलाल र जमिन्दारको सहारा

उनले संविधान जारी भएपछिका दृश्यबाट देश कसरी टुक्राइदै छ भन्ने प्रष्ट भएको दाबी गरे । भूमीसुधारको भू पनि सुन्न नचाहने तर मधेशी जनताको अधिकारको कुरा गर्ने जमिन्दार र दलालहरुलाई प्रयोग गरेर समथर भुभाग टुक्राउन खोजिएको उनको आरोप छ । पहिले भुभाग अलग गर्ने र त्यसपछि त्यहांको जल जमिन र जङ्गलको दोहन गर्ने भारतीय योजना रहेको उनले प्रष्ट गरे । संविधान निर्माण भएपछि प्रत्यक्ष निर्वाचित सभासद्लाई पूर्वी तराईमा जान निषेध गरेर विभाजनको पूर्वअभ्यास गरिएको उनको भनाइ छ ।

भारतीय दुतावासको सोझो लगानी, देश टुक्राउने अश्त्र

भारतीय दुतावासले गर्दै आएको सोझो लगानीलाई उनले देश टुक्राउने औजारका रुपमा अर्थाएका छन् । उनले भने, ‘भारतमा जनता चर्पी नभएर खुला आकाशमुनी सौच गर्न बाध्य छन्, यहां विकासका नाममा कनिका छर्दै हिड्छन् । हाम्रो मायाले हो र ? आफ्नो स्वार्थसिद्ध गर्न हो ।’

उनले भारतीय दुतावासलगायतका लगानीकर्तालाई आफुखुशी बजेट छर्न दिन नहुने स्पष्ट गरे । आफुले यसअघि नै मन्त्रिपरिषद्मा कुरा उठाएको भएपनि सोबारेमा निर्णय हुन नसकेको उनको भनाइ छ । दुतावासको आफुखुशी लगानी रोक्न आफुले मन्त्रिपरिषद्मा प्रस्ताव लैजाने उनले वाचा गरेका छन् ।

रायमाझी र थापाको व्यवहार

उपप्रधानमन्त्री टोपबहादुर रायमाझीकै सामुन्नेमा विद्यार्थीले भारतले जे भनेपनि मान्नुपर्ने भनेर गीत गाए । थापा यसअघि मन्त्री हुंदा दुतावासलाई सोझै लगानी गर्न दिने निर्णय भएको थियो । पछि उनले सो निर्णय देशका लागि गम्भीर भएको स्विकार गरेका थिए । अहिले सो निर्णय सच्याउने बारेमा आइनोसाइनो लिएका छैनन् ।

दुबै भिडियो हेरेका उपप्रधानमन्त्री केसीले अहिलेको मन्त्रिपरिषद्मा पनि दलाल रहेको जनाए । उनले भारतलाई खुशी नपारी सांसदमन्त्री भइदैन, भएपनि टिकिदैन भन्ने मानसिकताको उपजका रुपमा रायमाझी र थापाको सन्दर्भलाई अर्थाए । उनले रायमाझीकै सामुन्नेमा विद्यार्थीले सो गीत गाएर ठीक गरेको जनाए । जस्तालाई तस्तै गीत सुनाएर विद्यार्थीले व्यंग्य गरेको उनको भनाइ छ ।

देशैभरि लगानीका नाममा भारतले गुलामी मानसिकता विस्तार गरिरहेको भन्दै उनले दुतावासको मनलाग्दी लगानी र योजना रोक्नुपर्नेमा जोड दिए ।

कांग्रेसले केसीको राजिनामा मागेको सन्दर्भमा

‘तपाई मन्त्री भएरपनि संविधानको विरोधमा अन्टसन्ट बोल्नुहुन्छ भनेर कांग्रेसले राजिनामा मागेको छ नी ?’ यो प्रश्नको उत्तर दिंदैगर्दा केसीले माछा र पानीको उदाहरण दिए । सत्ताबाहिर हुंदा कांग्रेस पानीबिनाको माछाजस्तै फिटिफिटी परेको बताए । भारतको लहैलहैमा लागेर कांग्रेसले सहमति तोडेको बताएका केसीले कांग्रेस ‘तेल दिदा नखानेले कोल चाटेजस्तो’ अवश्थामा पुगेको भन्दै व्यंग्य गरे ।

नेपाल आजका अनुसार उनले संघीयताले देश टुक्राउने भएकाले आफुले संघीयताको विरोध गरेको जनाए । देशभन्दा ठूलो अरु केही हुन नसक्ने भन्दै उनले पदमा बसेकै कारणले आफुले असत्य बोल्न नसक्ने प्रष्टिकरण दिए ।

मन्त्री क्वार्टरको बसाइ

चित्रबहादुर केसी काठमाडौं बस्न थालेको बर्षौ भइसक्यो । तर, उनी भाडाको घरमै निर्भर रहे । मन्त्री भएपछि उनी क्वार्टरमा बस्न थालेका छन् । बत्ति पानीको दुःख खेपिरहेका केसीलाई अहिले हाइसन्चो छ । माइक्रोमा यात्रा गर्ने केसी झण्डावाल गाडीमा सररर् हुंइकिन्छन् । बुढाबुढीमात्र टुक्रुक्क बस्ने उनीसंग अहिले सहयोगीको टिम छ ।

अब त सुविधाभोगी भइयो नि ? भन्ने नेपाल आजको प्रश्नमा उनले भने,‘कस्ता कस्ता कुराले त छोएन, यस्ता सुविधाले मलाई विर्गादैन ।’ उनले भाडाको कोठा छोडेका छैनन् । मन्त्री फुत्केपछि सोझै पहिलेकै भाडाघरमा भित्रिने उनको योजना छ । 

काठमाडौं,२५ असार ।

Read More
Loading...

प्रतिकृया दिनुहोस

ताजा अपडेट

मुख्य खबर

दक्षिण कोरियाले आगामी वर्ष सन् २०१८को लागी नेपाली कामदारको कोटा तीन गुना बढायो

काठमाडौं— नेपालीहरुको रोजगारीको आकर्षक गन्तव्य दक्षिण कोरियाले आगामी वर्ष सन् २०१८को लागी नेपाली कामदारको कोटा तीन गुना बढाएर १० हजार २ सय पुर्‍याएको छ। यस वर्ष ३हजार १ सय जनालाई मात्र कोटा... विस्तृतमा

मापदण्ड पूरा नगरी ‘डबल ट्री हिल्टन’ पाँचतारे होटेल निर्माण सुरु

काठमाडौ – शंकर समूहअन्तर्गतको जगदम्बा हस्पिटालिटीले मापदण्ड पूरा नगरी काठमाडौंको नक्सालमा ‘डबल ट्री हिल्टन’ पाँचतारे होटेल निर्माण सुरु गरेको खुलेको खबर आजको अन्नपूर्ण पोष्टमा छ... विस्तृतमा

View more

मनोरन्जन

खेलकुद

View more

शिक्षा/स्वास्थ्य

View all

© 2016 All Rights Reserved Kantipath.com