Header

किन भयो प्रचण्ड सरकारमा गच्छदारलाई ‘नो इन्ट्री’ ? कारण यस्तो छ !

काठामाडौं, २७ साउन । पुष्पकमल दाहाल प्रचण्ड नेतृत्वको सरकारमा मधेसी दलका नेता विजयकुमार गच्छदारलाई  'नो इन्ट्री'  जस्तै भएको छ। 

प्रधानमन्त्री प्रचण्ड गच्छदारलाई मन्त्री बनाउन सकारात्मक भएपनि मधेसी मोर्चाको चेतावनी र कांग्रेसले पनि इच्छा नदेखाएपछि गच्छदार स्वयंमलाई सरकारमा लैजाने सम्भावना सकिएको छ ।

केपी ओली नेतृत्वको अघिल्लो सरकारमा गच्छदार उपप्रधान एवं भौतिक पूर्वाधार मन्त्री हुनुहुन्थ्यो । तर, सरकारविरुद्ध संसदमा दर्ता भएको अविश्वासको प्रस्तावमाथि छलफल सुरु भएपछि फोरम लोकतान्त्रिकले समर्थन फिर्ता लिएको थियो भने प्रधानमन्त्रीको चुनावमा माओवादी अध्यक्ष प्रचण्डलाई मत दिएको थियो ।

नेताहरुका अनुसार प्रचण्ड सरकारमा दुई जना मात्र उपप्रधानमन्त्री रहनेछन् । जसमा कांग्रेसबाट उपप्रधान तथा गृहमन्त्री विमलेन्द्र निधि र माओवादीबाट उपप्रधान एवं अर्थमन्त्री कृष्णबहादुर महरा भइसकेका छन् । तर, गच्छदारलाई नलिएपनि उनको पार्टी फोरम लोकतान्त्रिकलाई भने सरकारमा लैजाने सम्भावना कायमै छ ।

प्रधानमन्त्री निकट स्रोतका अनुसार अहिले पनि गच्छदारको पार्टी फोरम लोकतान्त्रिकका लागि दुई मन्त्रालय छुट्याइएको छ । नेताहरुका अनुसार यो पटक पनि गच्छदार स्वयंम सरकारमा जान  र मन्त्री बन्न निकै पहल गर्नुभएको थियो । तर, तीनबुँदे सहमति गर्दै प्रचण्डलाई समर्थन गरेको मधेसी मोर्चाले उहाँलाई मन्त्री बनाउन नहुने शर्त नै अघि सार्दै गच्छदारलाई मन्त्री बनाए आफूले समर्थन नगर्ने धम्कि दिएपछि प्रचण्ड हच्किएका हच्किनु भएको थियो ।

यता फोरम लोकतान्त्रिकका योगेन्द्र चौधरीले आफूहरुले प्रचण्डलाई भोट हालेको भदन्दै सहयोगीकै भूमिकामा रहने आश्वासन दिनु भएको छ । तर, सकारमा सहभागिताबारे कुनै प्रस्ताव नआएको उँहाको दाबी छ । प्रधनमन्त्रीमा प्रचण्डको समर्थक समेत बन्नुभएका चौधरीले प्रचण्डको तर्फबाट अहिलेसम्म आधिकारिक प्रस्ताव नआएको भन्दै प्रस्ताव आए त्यसबारे पार्टीमा छलफल हुने बताउनुभयो ।

यसैबीच सत्तारुढ कांग्रेसले १३ र माओवादीले ८ मन्त्रालय लिने समझदारी भएको छ । राप्रपालाई दुई मन्त्रालय दिइएको छ भने नेकपा संयुक्तले एक पाएको छ ।

सत्तारुढ दलका नेताहरुका अनुसार फोरम लोकतान्त्रिकका लागि दुई मन्त्रालय छुट्याइएको छ । र, साना दलबाट अरु दुई मन्त्री हुने सम्भावना छ । माओवादी अध्यक्ष समेत रहनुभएका प्रचण्डले प्रधानमन्त्री बन्नु अघि नै समाजवादी जनता पार्टीका प्रेमबहादुर सिंहलाई मन्त्री बनाउने आश्वासन दिएको बताइएको छ ।

Read More
Loading...

प्रतिकृया दिनुहोस

ताजा अपडेट

मुख्य खबर

दक्षिण कोरियाले आगामी वर्ष सन् २०१८को लागी नेपाली कामदारको कोटा तीन गुना बढायो

काठमाडौं— नेपालीहरुको रोजगारीको आकर्षक गन्तव्य दक्षिण कोरियाले आगामी वर्ष सन् २०१८को लागी नेपाली कामदारको कोटा तीन गुना बढाएर १० हजार २ सय पुर्‍याएको छ। यस वर्ष ३हजार १ सय जनालाई मात्र कोटा... विस्तृतमा

मापदण्ड पूरा नगरी ‘डबल ट्री हिल्टन’ पाँचतारे होटेल निर्माण सुरु

काठमाडौ – शंकर समूहअन्तर्गतको जगदम्बा हस्पिटालिटीले मापदण्ड पूरा नगरी काठमाडौंको नक्सालमा ‘डबल ट्री हिल्टन’ पाँचतारे होटेल निर्माण सुरु गरेको खुलेको खबर आजको अन्नपूर्ण पोष्टमा छ... विस्तृतमा

View more

मनोरन्जन

खेलकुद

View more

शिक्षा/स्वास्थ्य

View all

© 2016 All Rights Reserved Kantipath.com