Header

भीषण वर्षासँगै पहिरो झर्दा एकै परिवारका ३ जना पुरिए, १ बेपत्ता

ताप्लेजुङ, १८ भदौ । गए रातिको भीषण वर्षासँगै माथिबाट झरेको पहिराले घर भत्किएर पुरिँदा ताप्लेजुङ नगरपालिका–२ का एकै परिवारका तीन जनाको घरभित्रै पुरिएर ज्यान गएको छ । 

अन्य क्षेत्रको पहिरामा परी एक महिला बेपत्ता भएकी छन् भने अर्की एक महिला घाइते भएकी छन् । घरभित्रै पुरिएर मृत्यु हुनेमा टीका मगरकी श्रीमती विमला, छोरा मनोज र ललित छन् । उनीहरु घरमा सुतिरहेको अवस्थामा माथिबाट पहिरो झरेर घर भत्काएको थियो ।

राति नै पहिराले घर भत्किएको स्थानीयवासीले थाहा पाए पनि रातको समयमा भीषण वर्षाकै कारण उद्धार हुन सकेको थिएन । उनीहरुको शव अहिले बिहान नेपाल प्रहरी, सशस्त्र प्रहरी र नेपाली सेनाको टोलीले निकालेको प्रजिअ चक्रपाणि पाण्डेले जानकारी दिनुभयो । 

यस्तै ताप्लेजुङ नगरपालिका–८ मा पहिरो झरेपछि भाग्ने क्रममा एक महिला बेपत्ता भएकी छन् । नाम नखुलेकी माइली सुब्बा भनेर चिनिने महिला बेपत्ता भएकी हुन् भने उनीसँगै बस्दै आएकी कान्छी सुब्बा भनेर चिनिने अर्की महिला घाइते भएकी छन् । 
पहिराका कारण त्यहाँका दर्जनौँ घरमा क्षति पुगेको छ । ठाउँ ठाउँमा पहिरो झरेपछि मेची राजमार्ग समेत अवरुद्ध बनेको छ । पहिराका कारण नगरपालिका–८ का भुवानीशङ्कर नेपाल, अग्निप्रसाद भण्डारी, टेकनाथ दाहाल, डिल्लीराम अधिकारी, राजकुमार मगर, जगतबहादुर मगर, गुरुप्रसाद विक, सोमबहादुर विक र गङ्गामाया भट्टराईको घरमा क्षति पुगेको छ । 

यस्तै नगरपालिका–२ केनिममा नेत्रप्रसाद भट्टराईसहित अन्य छ घरमा पहिराले क्षति पु¥याएको स्थानीयवासीले बताएका छन् । सोही क्षेत्रमा नै पर्ने अँधेरी भन्ने ठाउँमा दुवैतर्फ पहिरो झरेपछि त्यहाँका तीन परिवार सुरक्षित स्थानमा निस्कन नसकेको बताइएको छ , 
गए राति करिब १ बजेदेखि झरेको पहिराले नगरपालिका–९ सदरमुकाम नजिकैको कफी हाउस क्षेत्रका १० घरमा समेत क्षति पु¥याएको स्थानीयवासी गणेश नेपालले बताउनुभयो । सो स्थानका बासिन्दा अहिले सुरक्षित छन् । 

पहिराले ती स्थानका बासिन्दाका गाई, भैँसी लगायत घरमा क्षति पु¥याए पनि मानवीय क्षति भएको खबर भने नआएको प्रजिअ चक्रपाणि पाण्डेले बताउनुभयो । 

पहिरोग्रस्त क्षेत्रमा पुग्न सडक अवरुद्ध रहेकाले उद्धारका लागि नेपाल प्रहरी, सशस्त्र प्रहरी र नेपाली सेनाको टोली अहिले परिचालन गरिएको छ । पहिरो गएका कारण स्थानीयावासी रातभर सुरक्षित स्थानमा जाग्राम बसेका थिए । अहिले पनि त्यस क्षेत्रमा वर्षा जारी छ भने पहिरो पनि झरिरहेको स्थानीयवासीले टेलिफोन मार्फत बताएका छन् । 

उद्धार गर्न कठिनाइ भएका क्षेत्रको पहिचान गरी ती क्षेत्रमा रहेका बासिन्दा उद्धार गर्न थप उपायका बारेमा सोचिरहेको र अहिले पनि सुरक्षा निकायका सबै संयन्त्रबाट र स्थानीयवासीबाट उद्धार गर्ने कार्य जारी रहेको प्रजिअ पाण्डेको भनाइ छ । 

पहिराले धेरैका घरमा क्षति पु¥याएसँगै दर्जनौ पशु चौपाया बगाएको छ भने खेतबारी नै बगाएपछि नगरपालिकावासीमा रुवाबासी नै चलेको छ । नगरपालिका –२ र ८ का विभिन्न क्षेत्रमा अहिले वर्षा रोकिए पनि पहिरो झर्ने क्रम भने अझै नरोकिएको स्थानीयवासी रुपनारायण भट्टराईले बताउनुभयो । थप विवरण सङ्कलन भइरहेकाले क्षतिको यकिन विवरण आउन बाँकी रहेको छ । रासस 

Read More
Loading...

प्रतिकृया दिनुहोस

ताजा अपडेट

मुख्य खबर

दक्षिण कोरियाले आगामी वर्ष सन् २०१८को लागी नेपाली कामदारको कोटा तीन गुना बढायो

काठमाडौं— नेपालीहरुको रोजगारीको आकर्षक गन्तव्य दक्षिण कोरियाले आगामी वर्ष सन् २०१८को लागी नेपाली कामदारको कोटा तीन गुना बढाएर १० हजार २ सय पुर्‍याएको छ। यस वर्ष ३हजार १ सय जनालाई मात्र कोटा... विस्तृतमा

मापदण्ड पूरा नगरी ‘डबल ट्री हिल्टन’ पाँचतारे होटेल निर्माण सुरु

काठमाडौ – शंकर समूहअन्तर्गतको जगदम्बा हस्पिटालिटीले मापदण्ड पूरा नगरी काठमाडौंको नक्सालमा ‘डबल ट्री हिल्टन’ पाँचतारे होटेल निर्माण सुरु गरेको खुलेको खबर आजको अन्नपूर्ण पोष्टमा छ... विस्तृतमा

View more

मनोरन्जन

खेलकुद

View more

शिक्षा/स्वास्थ्य

View all

© 2016 All Rights Reserved Kantipath.com