1478958692 banner ad format

 
 

काठमाडौँ । नेपाल पुलिस क्लबले सशस्त्र प्रहरी बल (एपिएफ)लाई पराजित गर्दै प्रधानमन्त्री कप क्रिकेट प्रतियागिताको फाइनलमा प्रवेश गरेको छ । 
Nepal Police Club Cricket
कीर्तिपुरस्थित त्रिवि क्रिकेट मैदानमा आज भएको सेमिफाइनल खेल वर्षाले प्रभावित भएपछि डकवर्थ लेविस नियमका आधारमा नेपाल पुलिस क्लबले एफिएफलाई ३४ रनले पराजित गर्दै फाइनलमा प्रवेश गरेको हो । 

टस हारेर पहिले ब्याटिङको निम्तो पाएका पुलिस क्लबले निर्धारित ५० ओभरमा ९ विकेट गुमाएर २५२ रनको योगफल बनायो । त्यसमा कुशल भुर्तेलले ५२ तथा सिद्धान्त लोहनीले ४० रनको योगदान दिए । 

यस्तै दीपेन्द्रसिंह ऐरीले ३७ रन, सुरुवाती जोडी सुनिल धमला र अमित श्रेष्ठले समान २६÷२६ तथा मञ्जित श्रेष्ठले २२ रन जोडे । सुरुवाती जोडी सुनिल र अमितले ६७ रनको साझेदारी गरेका थिए । 

बलिङतर्फ एपिएफका अनील शाहले तीन विकेट लिए भने कप्तान ज्ञानेन्द्र मल्ल र अरुण ऐरीले समान दुई दुई विकेट लिए । जवाफी ब्याटिङमा उत्रेका एपिएफले २८ दशमलव ३ ओभरमा ६ विकेट गुमाएर १३८ रन बनाउँदा खेल वर्षाले रोकियो । एपिएफका लागि कप्तान ज्ञानेन्द्र मल्लले ४५, सन्दीप सुनारले ३६, पृथु बास्कोटाले १९ तथा सुवास खकुरेलले १७ रन जोडे । त्यसपछि पनि निरन्तर वर्षा भएपछि डकवर्थ लेविस नियमका आधारमा खेल २८ ओभरमा झारेर एपिएफलाई १७३ रनको नयाँ लक्ष्य दिएको थियो । 

तर एपिएफले त्यति ओभरमा १३८ रनमा समेटियो । भोलि हुने दोस्रो सेमिफाइनल खेलमा नेपाल आर्मी क्लब र पश्चिमाञ्चल विकास क्षेत्रबीच प्रतिस्पर्धा हुनेछ । 

प्रकासित मिति

Loading...