tealaya add

ronaldo marsa

एजेन्सी । पोर्चुगलका सुपर स्टार खेलाडी क्रिस्टियानो रोनाल्डोलाई ‘मार्सा लिजेन्ड अवार्ड’ प्रदान गरिएको छ । सोमबार राति आयोजित विशेष समारोहबीच स्पेनको प्रतिष्ठित ‘मार्सा लिजेन्ड अवार्ड’ रोनाल्डोलाई प्रदान गरिएको हो । स्पेनको चर्चित पत्रिका मर्साले उत्कृष्ट खेलाडीलाई यस अवार्डबाट सम्मान गर्दै आएको छ ।

इटालियन क्लब युभेन्ट्समा खेलिरहेका रोनाल्डोलाई यसपटक स्पेनमा अवार्ड दिएपछि रियल म्याड्रिडका उनका सर्मथक खुशीले गदगद भएका छन् । रोनाल्डो नौ बर्ष रियलमा बिताएर अघिल्लो सिजन युभेन्ट्स गएका थिए । रोनाल्डोले गत सिजन युभेन्ट्सबाट दुई ठूला उपाधि जिते । उनी इटालियन सिरी ‘ए’ को सर्वोत्कृष्ट खेलाडी समेत भए । युभेन्ट्सका लागि उनले २८ गोल गरेका थिए । रोनाल्डोले हालै पोर्चुगललाई युइएफए नेसन्स लिग उपाधि समेत जिलाएका थिए । ३४ वर्षीय रोनाल्डा उमेरले पाको भएपनि उनको जोश अझै उच्च स्तरको छ । रोनाल्डो इङ्लिस क्लबबाट प्रिमियर लिग, स्पेनबाट ला लिगा र इटालीबाट सिरी ‘ए’ जित्ने एक मात्र खेलाडी हुन् ।

 पाँच युरोपिनय च्याम्पियन्स लिग, चार क्लब विश्वकप, तीन युरोपियन सुपर कप, तीन प्रिमयिर लिग, दुई ला लिगा, एक सिरी ए, एक युरो कप र एक युइएफए नेसन्स लिग विजेता रोनाल्डोलाई उनको क्षमताको कदर गर्दै ‘मार्सा लिजेन्ड अवार्ड’ बाट सम्मान गरिएको हो । पाँच पटकका बालोल डी’ओर विजेता रोनाल्डोलाई उनका पूर्व क्लब रियलका अध्यक्ष फ्लोरेन्टिनो पेरेजले अवार्ड प्रदान गरेका थिए । अवार्ड समारोहमा रोनाल्डो परिवारसहित पुगेका थिए ।

प्रकासित मिति

 
 
Loading...
Loading...

 

Loading...